الاوائل
زينب علي الديوانية
الاولى على العراق ( تشاركي ) بمعدل 99.86
زينب مداخلة خصوصي ...
واعتمدت على دورات تقوية فقط اثناء لقاءنا معها وجهت هذه الكلمة لاخوتها الطلاب :
" بفضل الله تعالى وتوفيقه حصلت على معدل 99.86
هذا النجاح ثمرة جهدي وجهود عائلتي واساتذتي في معهد الديوانية ومدرسة ثانوية المتميزات
اشكرهم جزيل الشكر
واهديلهم هذا النجاح والى كل الي ساندوني وشجعوني .صديقاتي واقاربي
نصائحي.للطلاب
اول شي دائما توكل على الله وخلي عندك املك كبير وكون مؤمن انو الله ميضيع تعب اي احد
وكل طالب لازم ميتصور المرحلة صعبه لكن هي مرحلة مهمه جدا لذلك خلي هدفك ببالك وابذل كل جهدك ومهما كانت الظروف لازم تتغلب عليهه لان كل شي ممكن يصير بحياة الانسان
__اني كنت مسجلة بمعهد لذلك بدأت دراسه من العطلة اهم شي التحضير اليومي لكل المواد والمتابعه مع المدرس اول باول والامتحانات مهمة جدا لان لازم الطالب يختبر نفسه ويعرف اخطائه حتى يتجنبهه بالامتحان الوزاري والامتحان يعتبر مراجعة لما درسه الطالب لذلك لا تفوتون اي امتحان
__انصح الطلاب انو ما يخافون من الاسئلة الخارجية لان اسئلة الوزاري من المنهج او تغيير بسيط وعادي يدرس الطالب اسئلة تقوي مهارته مثلا بالمواد العلمية لكن مو افكار بعيدة جدا عن الكتاب
__الاطلاع على الاسئلة الوزارية لكل المواد مهم جدا لان تتعود على نمط الوزاري وبعض الاسئلة تتكرر
__اما مسألة تنظيم الوقت ترجع للطالب وقدرته واستيعابه لكن اهم شي استغلال الوقت بشكل صحيح ومو مهم يدرس عدد ساعات هواي كلش اهم شي فترة كافيه انو يفهم المادة ويحفظهه
__اتمنى لكل الطلاب النجاح والتوفيق وان شاء الله كل طالب يوصل لحلمه "
الف مبرووووك
نرجو من القنوات الاعلامية والمراسلين في محافظة الديوانية التواصل مع زينب لاجراء لقاء تلفيزوني لتسليط الضوء على تفوقها وشكرا
تنويه
فقرة الاوائل تهدف لتسليط الضوء على جميع الطلاب الحاصلين على معدل 99.86 .
رد مع اقتباس
المشاركة الأصلية كتبت بواسطة همس الصباح
