قصيدة مكتوبة لذكرى استشهاد الإمام الجواد عليه السلام
وداعاً يالجواد - باسم الكربلائي كتابة + تحميلmp3
وداعاً يالجواآد وداعاً يالجوآاد
......
ياجواد العترة يالماكو مثيلك
كربلاء الثانيه شفنه ابرحيلك
يالمتت عطشان ومكطع دليلك
ع السطح مطروح ما واحد يشيلك
حزنه الليله زاد .. ودآاعاً يالجواد
وداعاً يالجواآد وداعاً يالجوآاد
......
ينسمع من شدة السم عالي ونك
وحدك واحبابك بعيدين عنك
لا اخوك الحاضر ولا حاضر ابنك
الله كاتبلك تسد بالغربة جفنك
الاهل عنك بِعاد .. وداآعاً يالجواآد
وداعاً يالجواآد وداعاً يالجوآاد
........
إلمن اتدير الوجه ساعة غيابك
اعليك ام الفضل سدت حته بابك
والقدر من يثرب لبغداد جابك
ابخامس وعشرين رحت ابعز شبابك
العرش لابس سواد .. وداآعا يالجواد
وداعاً يالجواآد وداعاً يالجوآاد
........
من قبض عزريل روحك شاف جبدك
ضل ثلث تيام ملك الموت عندك
ايعز عليه ايعوفك ابهالحالة وحدك
لا جفن لا نعش لا محفور لحدك
علن ربك حداد .. ودآاعاً يالجواد
وداعاً يالجواآد وداعاً يالجوآاد
.........
ليلة اغيابك يزيد الهم جرحها
مثل صبح اهدعش يوم الطف صبحها
اجنازتك بالشمس ما واحد لمحها
والطيور اتضلل اعليك ابجنحها
بجت كل العباد .. ودآاعاً يالجواد
وداعاً يالجواآد وداعاً يالجوآاد
........
صح متت بالغربة واخبارك حزينة
لجن جسمك ما سمعنه امسلبينه
وصدرك ابحافر الخيل امرضرضينه
راسك من المكفه لا ما كاطعينه
سليب اعله الوهاد .. ودآاعاً يالجواد
وداعاً يالجواآد وداعاً يالجوآاد
.........
عيلتك من متت ما واحد هضمها
بالحفظ والصون محد يدنه يمها
ويلي زينب حرقوا اعليهه خيمها
ابسوطهم ضربوا متنها وسال دمها
الخيم صارت رماد .. وداآعاً يالجواد
وداعاً يالجواآد وداعاً يالجوآاد
........
كلمات الشاعر - كرار الخفاجي
_____
تدوين . زهراء العبيدي
١٤٣٩
رد مع اقتباس
المشاركة الأصلية كتبت بواسطة شممت ثراك
