السلام عليكم جمعا اخواني اخواتي الاعزاء داخل وخارج وطننا الحبيب العراق
طبعا انا واحد من الناس الي ما يشجعون على ترك البلد مهما صار علما ( انا من الناس الي كلشي ما مستفادين من البلد غير بس اهلي الطيبين بيه)
ومع هذا لمن يرغب بالهجرة الى استراليا وعنده احد في استراليا ممكن ان يكون كفيل اله ومو بالضرورة ان يكون عندك كفيل ولكن سيعزز من موقفك
اقدم لكم هذا الموقع الخاص بالحكومة الاستراليا والخاص بالهجرة واللجوء وعن تجربه شخصية فقد سافر ثلاث من اصدقائي واحد منهم انا سويتله المعاملة واثنين سووها بمكتب مال ترجمة هم هسه باستراليا
المهم ما اطيل عليكم الموقع هو www.immi.gov.au
الحلو باجرآت الهجرة اتم بدون مقابلة خصوصا اذا كنت في بلد ثالث غير العراق
طبعا راح تدخل للموقع وحتى لاتدوخ خلي اكلك بالخطوات الي تسويهن
1- تفتح الموقع ثم تختار الفورم رقم 842 الخاص باللجوء لمن يعيشون خارج حدود استراليا
2- تقوم بسحب الاستماير وعددهن 30 استمارة
3- تقوم باملائهن بمساعدة مترجم محترف
4- ترفق 8 صور ملونة خلفية بيضاء لكل فرد من افراد العائلة المدرجين بالابلكيشن
5- ترفق نسخ مصورة من الجناسي والشهايد وعقد الزواج الخ
6- تذهب الى قائمة contact us وتختار مكاتب الحكومة الاسترالية خارج استراليا
7- تختار البلد الموجود انت فيه ثم تحدد السفارة التي سترسل لها اوراقك
8- تذهب الى مكتب بريد وترسل الاوراق وتنتظر رحمة الله
ملاحظة مهمة : ربما اختصرت بعض الخطوات ولكن يجب عليك قراءة الفورم بعناية وتمحيص
ولاتنسى ان تحفظ نسخة احتياطية عندك للمراجعة وتكتب رقم هاتف مفتوح 24 ساعة مو عاطل يعني لان اتوقع في اي لحظة يتصلون بيك
وشكرا اخوكم يوسف
تذكر دائما ماكو اغلى من الوطن ولكن هناك اناس لديهم اسباب تجبرهم على الرحيل
رد مع اقتباس
المشاركة الأصلية كتبت بواسطة spyman
