احن واستاهدك بيه
واطش وجهي بحياطينك
واجيسك من وره البرده !!
واشوفن وجهك يلالي
وادير الوجه للديرة واكلها شكثر يحلالي
واناغيلك عشك سبعين وتوجه اعلى طيف الاه
نايملي اعلى خد العين تعال اتوسد ابالي
تعال وجيب روحي وياك واكسر فيك بعيني
واشتلني بربيع النوم اخضرلك عثك عالي
واشوفن جفك المايع يوميلي باثر حنه
تعال هناك دثرت العرس النه
هاي الناس بيه وبيك وگ كلش ولاتفهم
الدفو بلياك مايجوي ! الدفو الوياك اخو اجهنم !!
تعطّبّ بيه چم بستان
اريد اوصل الك نعسان
نيمني بحنايه الروح وگ منك صدك تعبان
چم موسم كضه بياحيف
لا جيت اعلى بالي بطيف
لا دكيت
لانشديت
چم دوب الگلب يتناك
چم دوب السلف يسال حلالك وين
واموعن دمعة من العين
واسمع امي صنطه تكول :
لوحبه صدك چا جاه
غم هذا العشگ يخلص بالمتاناه
سد گلبك ولاتغتاض هذا الشوك بي حوبه
وباجر ربك يعثره
تراها الدنيا مشايه ولاتوكف عليها وشال
انسى وعيش كد مابيك
تراه العشگ مو چتال
اوس_النواب
رد مع اقتباس
