هنا

[ღ عِشق ღ]

قصائد باسم الكربلائي لذكرى استشهاد الإمام للجواد - مكتوبة + mp3



ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله


للجواد اشجم جناح الي تكسر
جم حمامه ابحزن دمعتها اتحدر
حين شافت ع السطح خده تعفر
كامت اتضلل عليه وفوكه تفتر

ابن الرضا ع السطح شفته من مات
رفعت على راسه سبعة حمامات

كلمن يجيله .. دمعه يسيله


ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله


من ارض مكة ابجناح اليستعر نار
شاهدت اول حمامه كصدت الدار
الحمامه الجانت ويةالهادي بالغار
للجواد اتعنت ومدمعها مدرار

امر الحمامه من الهجر يمتد
تبدي ابمحمد وتنهي ابمحمد

ساعة رحيله .. دمعه يسيله


ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله


والحمامه الثانيه تعنت حزينه
كصدت الدار الجواد من المدينه
جابت وياها دمع بضعة نبينه
ومرت ابكبر الحسن جابت ونينه

من المدينه حمام الي كاصد
جايب امانه من اربع مراقد

يسعر دليله .. دمعه يسيله


ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله


تالي بدموع الارامل واليتامه
وصلت من ارض النجف ثالث حمامه
للجواد اتخاطبه حسره وندامه
اتكله جدك علي يبعثلك سلامه

بعدك شباب وتجيك المنيه
عمرك يذكرني عمر الزجيه

ب ونه ثجيله .. دمعه يسيله


ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله


حين طاح اعله السطح ويدير بالعين
كصدته رابعه حمامه ابساعة البين
اجت تنزف بالدمه من الجناحين
هيه هاي الجانت اترفرف على حسين

من كربله هالحمام ابمناحه
سافر عكب ماتخضب جناحه

بالدم مسيله .. دمعه يسيله


ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله

والحمامه الخامسه بهاي الرزيه
هيه اوله بالحزن من البقيه
هذا يومك ياحمام الكاظميه
بالشمس ابن الرضا طايح رميه

واجب تجي يمه وبهمه تحضر
وتواسي بالدمعه موسى ابن جعفر

موسى النزيله .. دمعه يسيله

ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله


رغم ماعنها الدرب طال وتبعد
اجت من كبر ابوه اليوم تشهد
الحمامه السادسه موطنها مشهد
من ابومحمد اجت تحضر محمد

شفنه الحمامه تعنت كأيبه
جابت رسالة حبيب لحبيبه

ارسل عويله .. دمعه يسيله


ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله


والحمامه الوصلت بآخر المأساة
تختلف رحلتها عن كل الحمامات
من كبر زينب اجت تطوي المسافات
من الغريبة للغريب اتجيب دمعات

اتكله يعمه صبح حالي حالك
بالغربه محد اجالي واجالك

جفن العقيله .. دمعه يسيله


ناح الحمام لشباب الايمه
ناشر جناحه ويحوم اعله جسمه

نسمع هديله .. دمعه يسيله


__________


كلمات الشاعر الميرزا عادل اشكناني


__________



زهراء العبيدي

درر العراق

١٤٣٩

[ألأٰم۫ہٰٰٰ۫يہ۫رهہ]

في ميزان حسناتك
شكرا لكِ

[حسام البيرماني شيزر]

بوركتِ
ونسأل الله ان يجعله ميزان حسناتكِ

كل الود لشخصكِ الكريم

[ღ عِشق ღ]

في ميزان حسناتك
شكرا لكِ

شكراً للتواجد غاليتي

بوركتِ
ونسأل الله ان يجعله ميزان حسناتكِ

كل الود لشخصكِ الكريم

تسلم ممتنة لحضورك والتقييم

[صفاء العامري]

شكرا زهراء

[ღ عِشق ღ]

شكرا زهراء

العفو نورت صفاء

[هيلــه]

شكراً على مجهودك

[ღ عِشق ღ]

شكراً على مجهودك

عفواً