بــ العافـيه . . . يـ النايـمين أبـلا حزن
بــ العافـيه . . .
يـ النايـمين أبـلا حزن
وخدودكـم ديـرة كطـن
تـنگط نـداره وصافيه ،، بــ العافـيه
قسمتنـه
نطفـه ويالشمع
وعيونـه الشبعت دمـع
للـحلم تركـض حافـيـه ،،،
شطـين
ياخذنـه الندم
ونضل عطاشـه أبابـكم
جبنه الـفرات بـهيبته وماطفـه حر صـوابـكم
جا ليش خاويـتو الجـفه
وأگلـوبنه مـحـمله وفـه
لافض جرحـنه ولا شـفه
ولا بخت عدنـه وجابـكم . . .
حسبالـنه الشايـل تعب
بأجر تشيـله اولايـته
ماندري ابو كلب الصدك
لو طاح تخلص عازتـه
سولتنه تبدي من الكلب
والـيل چـتـال الغــرب
كل ساعه
يلـچمنه الدرب
ونطيح طيحـة خايـفه ،،
صلفه اليالي أبلا صبح
وشيـنومه البـجرحـه ملح
وچـماله لـو حن الجرح
يرجـــع الـــ الأول سالـفه ،،
بغـياب
عطر اچفـوفـكم
ماتـنـچهب بيـبانـه
نصرخ . .
وأسـمكم لو رجع
نشبگ صدى حيطانه
شي سكته المفارگ هلـه
تلـگا عيـونـه أمبـلـله
الـيله الـمعاتب حله
ويـچـوي الضلوع اعتابكم
يوميه يسبينه البرد
وأنتـم شمسكـم طافيـه
يالنـمتـو مدري بـيا حضن نامـو عسأ بالعافـيه
ناصر البدري
رد مع اقتباس
