هنا

[فقار الكرخي]

ركيضه لعب العمر
واسوالفه تعدي

وينچ يشمس الصبا
ردي بصبح ردي

بلجت يفز الكصب
ويداعب المردي

چف المناجل لعب
بگصايب البردي

ولاجف افتحه ابدعى
ولا حظ بعد عندي

هوسه وعراضه الدمع
فوك الوجن يحدي

دنيا وغزلها انخبص
وتلف غزل ضدي

لابيه اسكت الحدر
ضلعي وصبح يدي

ولابيه اضم الجرح
شامه ابوسط خدي

مبيوعه روحي شذر
والشامت اليشري

وانباع مني زلف
فوك الوجه شذري

وكادوني لله نذر
والخنجر انحري

وكل الجنيته ذبل
واتيبس العذري

بروحي طلاسم عشك
محد عرف حلها

وبيه جوامع وفه
بس ياهو يدخلها

فعلا يذل العشك
لو موش يم اهله

وهساعه حدر الضلع
شاخات للذلة

بسوباطي راح العنب
بس ظلت السله

وهو اليرمده الفگد
غير الكحل شله







بشير المرشدي

[ازدهار]

يسلموووو
ودي
.
.

[فقار الكرخي]

نورتي يالغالية

[سنابل مكسورة]

جميل

[تّـفـاَصيلـٓ]

لابيه اسكت الحدر
ضلعي وصبح يدي

ولابيه اضم الجرح
شامه ابوسط خدي
****
فعلا يذل العشك
لو موش يم اهله

وهو اليرمده الفگد

غير الكحل شله

جميل جدا

[فقار الكرخي]

منورين