على خطا الدُرريون نبلش بحقائق غريبة نوعا ما عني
1 - اكل وجبتين باليوم العشاء لاغيته انتقائية بالأكل لحم دجاج سمج( ماعدا الباجة ورجلينها وبطنها مدري معدتها) فاصوليا
والوجبات السريعة بيتزا صاج غيرهم مااكل
ومامجربتهم ابد اكره الجاي بس الصبح ومرات الغي
2- اخاف من المرتفعات ومدينة الألعاب صاعدة مرجوحة بس مرة بسفرة بالسادس اعدادي
صعدت وي صديقاتي بالسفينة هي اول مرة وآخر مرة صوتي راح ووجهي صار اصفر احنا اول وجبه سواها سريعة حماس وكذا ع النص ونزلوني وضليت حاضنه الكاع
3 - انسانة هادئة وخجولة مااعرف اجامل احد
بشهادة صديقتي عندي اعاقة بالمشاعر ولا اعبر عن مشاعري
4- ما احب الصور جهازي بي اقل من 20 صورة الي
5- ماعندي اي مشاعر كره او حب للحيوانات
بس صارت عندي هواية الم حشرات واصلبهم
علاقتي حميمية وي الحشراتبين قوسين الصرصر اكعد استقبلهم بالطارمه
6- اسمي اعطل فونات بس السنة
3 فونات حتى الصرصور عطلته ماسلم مني
7-مزاجيه وعنوديه لأبعد حد من نوع سكت دهرا نطق كفرا اجفص بام السالفة
8- طول مسيرتي الدراسية ما اقرء بورقه وقلم
احفظ شفهي ولازم افتر لحد ماتطيح رجليناتي
اتذكر مرة واني الابتدائية اصعد درج وانزل دوخت الوالد صاح بيه بطلت كمت ازحف ع ركبيكال كومي ياخبلة
كل مااتذكره ركبي توجعني
9 - اتعلمت للطبخ بعمر 13 واتحملت مسؤولية البيت ماعدا الخبز
10- وضعي الدراسي
انقبلت كلية علوم قسم فلك اجوي ويانا اهل التسعينات وهم اخذوا الأقسام الأعلى عددنا 140طالب بجيت ونحت وقررت التأجيل
مقابلات الا لظروفدول قدمت طلب استسلمت ورا شهرين استمريت بالدوام وامتحنت لحد ما طلع الأمر اجلت ورجعت قدمت استمارة بيها اكتب كلية وحدة وانتظرت القبولات طلعلي تربية- واني ما كاتبتها لدرجة شككوني معقولة اني كاتبتها هالمهنة تحتاج صبر احسها صعبة واني ماعندي ذرة صبر بجيت ولطمت وصادف يوم خميس يعني انتظر الاحد رحت كالوا الغلط من الوزارة وشهر أراجع كتابنا وكتابكم يلا صارت
11- اتفائل بالحديقة من اقرا بيها أنجح اما اذا قريت بالغرفة ارسب
12 - بايام الدوام ماانام الظهر من ارجع كبل ابلش قرايه بالليل والفجر ابدا مااقرء لان اخاف من الظلام
13- احجي وي روحي هواي لدرجة احجيلها نكت
وقصص
14 - احب الارقام الفرديه خص رقم 3 واتخبل من شهر 6 بكل سنة تصير بي حادثة
15- عندي عجز وكسل مو طبيعي وبنفس الوقت احب اتعلم لغات ..اعشق اللغة الكردية كنت اشطر طالبه بهالمادة
اغلبهم مو غرائب لهالسبب كتبت حقائق
خلاص تعبت هالموضوع عدت كتابته اكثر من مرة من 9 ونص بلشت بي وليهسه ماانشر شلع كلبي
حسيت بإصرار ^_^
رد مع اقتباس
المشاركة الأصلية كتبت بواسطة شممت ثراك
من نزلت هي وبنت خالي عايفات التصوير
