شرخصها الگاع
شرخصها الگاع
من ترسم وجه طفله اعله باب الموت .. يمها ذراع
شرخصها الگاع
من تلگاه سفينه الموت وكل هاي الطيور اشراع
مامش گاع
من شفت الوطن چذبه ..
رسايل والبريد اوداع
من شفت الشعب مامش ..محبس بالعمايم ضاع
ولگيت الناس چذابه
من راد الوطن يختل .. ولاواحد فتح بابه
ليش من الورد خفنه ..
وانمدّت ادينه لچف الذيابه
يرب چا ليش ماخليتنه ابغابه !
مانستاهل الدنيا .. ونحب الذل
چن حيطان هاي الناس .. بس يصعد هوه وينزل !
هاي الناس تتمنه وتريد اتموت ..
وبلايه ارواح لزمو سره اعله التابوت .. !
كلها تخاف
فطر الحايط بصورة شهيد انراف !
گببنه انظاف ...
واصابيع اليتيم من الحذاء تنشاف !
علي تاج الدين
رد مع اقتباس