كشخــة عَــگـل
((كشخــة عَــگـل))
ما احچــي العتب للماسمــع لعتـاب
لأن تنعـد عــدم چلماتي للطرشــان
ولااحچـي چلمتي بلايــه كل تفكيــر
احـس كـفران بيهه اچلیمــة الغلطان
اويــدل خيــرالكلام ابقلة الچــلمات
ترا حچی الکثـر یتسمـه الک هــذیان
معصوم ابصحبتــي ورافض الموزين
انا گليبي نبــي وماصاحب الشيطان
مو رفض الگلــب ميماشي الموزيـن
يتـصـدر أمر مـن عقلــي ولوجــدان
شكيت بخلقتي وچـني مومن طيــن
من غيــره خلقني اوغايه للصحــبان
كشــخ بيــه الطلع ويايــه كل امكان
لأن ابن المجالس وبــن اهل ديــوان
ابد ماهــو ملاك الكشخـه بل ملبوس
تــرا اليلبس عَگل تتساقط القیــطان
أخـوتي امنل ربــع مافرقتهم چــود
وعنـدي احساب ربعي بحسبة الخوان
صريحه اشگد خطوتي تچبش الخطوات
ونيتي اويل ربـع نيــت نبـي وقــرآن
كـرمت الحــديقــه ابنيــت الـوردات
وعــزبت الفراشــه ابمـدت البسـتان
منواتــي أجــل وتمنى بيــه تصيــر
لأن مـوتــي رزق ويشــغل الدفــان
هیچ احساس عندي أرق من المــاي
وترافــة شوگ عندي بغيبـة الصدقان
الغيمه تــزخ مطرهــه ابنـدبة الفلاح
وروحي تـزخ صلح لصويحبي الزعلان
انا تنفس رفاگــه ابساعـة المخــنوگ
وترا الشباچ ريــه ابوسطة الحيــطان
اليفهمني غلط لي ذم حچــي بمگفاي
بس الماي يفهــم كل حچي العطشان
ترا اليحـچي ابوكتهه اينجــح الچلمات
مثـل شهگه ابوكتهه اتنجـح الغــرگان
ترا بس العبــد يعرف سوالف صــوط
وطبع الحــر يعرف سوالف الخـرسان
اليــدمع من چـذب اعرف دمع تمساح
اشوف ابداخلــه يطرب فـرح عــرسان
اولاينطــق شخــص بس اناوانا يگـول
خلي الناس تنطق هذا خـوش انســان
علي محسن المطوري
رد مع اقتباس
