معلومات عادية وربما غريبة عند البعض
1- دائما أفكر بالموت واتخيل نفسي بالتابوت والكفن والناس تبجي وحتى مرات اغمض عيوني واظل أتخيل وتنزل دموعي
2- الأشخاص اللي قريبين الي كلش من يرحون لمكان معين ويتأخرون أظل اكول صار بيهم شي ممكن حادث واتخيل شكلهم وهمه جثة لتعتبروه شي سلبي بس أخاف من الفقد كلش وأتمنى اموت اني ولا همه
3- بأحلى اللحظات فجأة اسكت وتسيطر عليه حالة الهدوء والكآبة واكول اني ارهم ويه الحزن أكثر من الفرح
4- نقطة ضعفي الحلويات حتى مرات ماما تضمهن عني تكلي كافي راح تموتين من وراهن بس كلهن بكفة والتمر بكفة
5- احب السيطرة واحب المنصب أحس هذا الشي يزيد من شخصيتي وأكون قوية أكثر
6- أكثر الموظفين ويايه يخافون مني حتى مرة موظف كال لصديقتي المدير كال روح ع لانا بس مااجيت لأن أخاف منها بوقتها بين اللي فرحت وبين اللي خربت ضحك
7- اكو أمور احتفظ بيهن بكلبي ولنفسي حتى لأقرب الناس مااسولفهن يعني ع سبيل المثال صديقتي مو كلشي تعرف اني
8- بارعة بالتمثيل جدآ
9- شخصية مغرورة هكذا يقال عني في مكان عملي لكني انسانة بسيطة بس يجوز لأن مبتعدة عن بعض الموظفين أو الموظفات لأن مااحب الاختلاط لأن متوقعة تصير مشاكل
10- أغلب النصائح اللي أقدمها اني ما اسويها لأن اكول يجوز المقابل راح يغير من أسلوب حياته ويتغير نحو الأفضل ويستفاد أكثر مني
11- بخصوص الأكل السمك وعادي أكل أي شي مااكول لا هذا مو طيب عندي قناعة نوعا ما
12- حنية الرجل عندي أهم من اهواي صفات
13- كل أسبوع اغير ديكور البيت أكره الروتين بشكل فظيع وماما تصيح عليه
14- من اضوج أحب أبقى لوحدي ويبين على وجهي ومااحجي حتى صديقتي من تسولف ويايه لو اجاوبها ب أي لو اسكت
15- مرات تجيني حالة أكره كل الناس واعصب عليهم
16- عندي ضحكة مو طبيعية وانحب بسرعة وبشهادة المقربين مثلا مرة بنية مااعرفها كالتلي شكد تنحبين ابتسمت لها ورحت
17- من اسولف ويه رب العالمين احسه يباوع عليه ويبتسم حتى مرات احسه يفرح من اسولف وياه ومن اروح زيارة لكربلاء أتخيل الإمام الحسين عليه السلام يفرح ومرة رحت حسيته ضايج لأن بجيت اهواي وكنت مختنكة
18- أمنية حياتي التقي بالإمام المهدي عجل الله تعالى فرجه حتى لو بحلم
19- من أحب رجل أحب كل تفاصيله وتصرفاته اللي ربما تكون مو حلوة عند البعض
20- من أشوف مكان حلو اكول لو اني هناك يعني شيصير لو أعيش هناك واظل الطم واتخيل ، بعدها ارجع للعراق وللواقع
21- من يكون بقلبي حزن أسمع كل موسيقى حزينة أو مقطع يقهر حتى ابجي بحرقة بعدها احصل الراحة النفسية
رد مع اقتباس
المشاركة الأصلية كتبت بواسطة نـيـلـي
