تحميل القصيدةmp3
..
______
ارباطعش عام
عايش بالسجن
من عاف الاحباب
ماعافه الحزن
عاش العمر بين جرحه وحسرته
آثار الدموع على مصلايته
دم جفه موجود لسه بسبحته
ياويلي والكيد جارح رقبته
من شدة القيد .. ما غمض جفن
من عاف الاحباب .. ماعافه الحزن
_________
والله الحياطين
لوعدها سمع
جان من الونين
كادت تنشلع
رب السمه ايعين
قلبه بهالوضع
ومخضر اتراب
سجنه من الدمه
كلما يجي الليل .. يشتاك ويحن
من عاف الاحباب .. ماعافه الحزن
________
سجانه ما عاد
يملك مرحمه
كلساعه ويروح
يدفعه ويشتمه
وهوايه اذاه
من سب فاطمه
وبسطرة العين
نزف دمع ودمه
اصل المحن هاي .. من كلمة و إن
من عاف الاحباب .. ماعافه الحزن
__________
مايعرف الليل
من وجه الصبح
والباب مسدود
ابد ماينفتح
كل جرح اليطيب
يفز يمه جرح
والدم بالقيود
اثر ماينمسح
من حقه لو راد .. ينحب لو يون
من عاف الاحباب .. ماعافه الحزن
_________
عقب المعاناة
ابد ماتنحمل
ياوسفه مسجون
بالسم ينقتل
واليكظم الغيظ
دم عينه يهل
الماعنده احباب
صعب من يرتحل
وتصب الدموع .. مثل صب المزن
من عاف الاحباب .. ماعافه الحزن
__________
يا لحظة الموت
غريب اموادعه
لجنازته اتشيل
حماميل اربعه
لاخلفه جناز
ولا واحد نعه
لاعنده دفان
يدفنه ابمضجعه
لا يمه خوان .. لا اب لا ابن
من عاف الاحباب .. ماعافه الحزن
_____________
الكلمات للشاعر السيد عبدالخالق المحنة
١٤٣٩
Zahraa
رد مع اقتباس
المشاركة الأصلية كتبت بواسطة Suhaila wisam
