عشرون معلومة غريبة جداً "عني "
مرحبا درر حبيت أشاركم
عشرون معلومة غريبة عني
يجوز مو كلهم لكن اكو غرابة بالموضوعنبدي :
1- سبب خسارتي حلمي الدراسي أبسط مادة
2- استاذي في مادة الانگليزي في صف السادس الابتدائي نفسه في صف السادس اعدادي - والله مو شقه
3- ما حاب قسمي رغم كل الامور الي احبها ايدرسونا بيه
4- اكتب شعر ونصوص واقره كتب ومتعلق بهيج امور
لكن عمري مرايح لشارع المتنبي
5- احب التجمعات الثقافية والمنتديات الشعرية واسمي مسجل بمنتدى وتجيني دعوات لكني
ما حضرت ولا مرة
6- احب الطلعات والونسة والخ.. لكن من تصير صدگ ما اطلع
7- نرجع للدراسة
8- وصلت مرحلة من تجاربي بصداقة الناس وخاصة الشباب انو من الصعب اصادق شاب وتكون علاقتي بي مبنية مثل علاقتي وي اصدقائي الحاليين اذا مو مستحيلة
9- اطول الصدقات عبر النت هي اثنين صديقات درر فعلاً
ومن المنتدى
10- الانطباع الماخوذ عني انو خشمي يابس
الي حدود لكن بعيدة
11- ارفض الحب قطعاً لكني اجزم انو ممكن احب باول نظرة
12- اتهموني بالالحآد اكثر من مرة بدون أي سبب ولا فوگاها آني احلف الهم بالقرآن مو ملحد
13- اشرح نفسي للاشخاص بشكل جنوني ورغم هالشيء
ايفهموني خطاء
14- من اجمل قصائدي كتبتها واني بطريق دوامي للجامعة
15- احب انو احتفظ بالصور والرسائل والاشياء القديمة بشكل مو طبيعي
16- اكره لبس الملابس الرسمية اكثر شيء احب الملابس الرياضية والاشياء العادية البنطلون اكثر شيء اكرها بالملابس
17- اكل اهواية لكن وزني 58
18- اخاف المرتفعات لكن احب اسافر بالطيارة
19- احب القوانين والالتزام لكن احياناً احب مخالفتها بشغف
20- وحبيت التحسس من ورى عيونج " قصيدة حب تحجي عن القسم مالتي والكلية " كتبتها واني لا حاب ولا شيء اصلاً بعدني ممدوام ولا شايف احد ها بس يمكن جنت دا احبب نفسي بالقسم گوة
كل المعلومات الي ذكرتهم واقعيات وابد ما غاليت بمعلومة يمكن تشوفونهن غريبات ويمكن عاديات حتى العنوان
بكل الاحوال شكراً لكل من زار الموضوع
رد مع اقتباس
المشاركة الأصلية كتبت بواسطة رجل كهل
