هنا

[فقار الكرخي]

سكته عله سكته تمر الأيام
لاتـنشـره ولا جذب تـنسام
تدفـع بــ عمرك دفـع جـدام
حته الحلم مل منـك ونـام
. . .
فنك تنام وجفنك أبعـيد
وحزنك كسر ضهـر المواليد
أتـريد بس ماتـدري شـتريد
صافن وره ضعون الـمواعيد
. . .

صافن وگلبك ركض مذعـور
ركضـة نفس مابين الگبـور
تشتعل بس تـنشـاف تنـور
تـكتل الطيف أرسـمله ناطور
. . .

لاتحسب ولا تشـتري الصيت
ماتضحك أشفاف التـوابيـت
دللـت يامـه ويامـه ربـيت
بس أنـته واسمك تالي ضليت
. . .

ضليت شوغه بـصدر الغروب
ودمـوعك أمنطيـح حالـوب
أحبابك نسـوك وسدو البـوب
ونامـو اگلوب امشابـگه اگلوب
. . .

ديـر الخمر فوك الصور ديـر
بـلكت تطفـيك التصاويـر
ليـلك أشكبره وحلمك أزغير
ماينصـبغ شـيب الطباشيـر
. . .






ناصر البدري

[حسن هاشم]

مدهش شعر رائع

[بسكوته]

جميل

[فقار الكرخي]

نورتو الكون

[سنابل مكسورة]

روووعه

[ازدهار]

عاشت الايادي
ودي
.
.

[فقار الكرخي]

منورين