مرحبا دررنا الحلوين ^_^
اليكم هذة المعلومات...
١. اكثر طابع يلاحظ بشخصيتي الخجل وهذا الامر عانيت منه ايام دراستي وخصوصا بالجامعه اذا دخل الاستاذ ماادخل بعده لو تنكلب الدنيا
٢.اكثر شي احبه الورد بحيث لو مسوي جريمه وتنطيني وردة اسامح
٣.ايام الدوام غالبا مااكون شخصيه فوضويه وكلشي مايرجع لمكانه الصحيح بس بفترات العطل مرتبة
٤.اميل ل بابا اكثر من ماما بالفضفضه ومشاكلي
٥.اذا نمت بالنهار خصوصا الظهر اكعد العصر لازم اكل ايس كريم لو عصير بارد اهم شي لازم يكوون باررد واذا ملكيت اكسرثلج واكل
٦.ماابقى بالظلمة دقيقه وحدة ومن انام لازم اكو اضاءة
٧. اخاااف من الحيوانات حيييل اخاف ونقطة ضعفي البزونه اعتبرها اكثر شي مهدد وجودي
٧.احب فكرة التصميم ودائما اخلي ورقه وقلم واشخبط تجي براسي افكار حلوة
٨.اللبس مااعيده مرتين وخصوصا بالمناسبات ولو بقمة ضوجتي اطلع اشتري ملابس النفسيه تصير تمام.
٩.مااحب اتخلص من الاشياء القديمه ابدا واحتفظ بالذكريات مثل محتفظة بملزمة عليها شخابيطنة اني وصديقااتي كذلك نفاخة مكتوبة عليها اسامينا فشيتها وضمتيها.
١٠.يزعجني الصوت العالي وافضل المكان الهادئ درجة التلفزيون ماتتجاوز العشرين
١١.عطوري ،ملابسي،حاجياتي ممنوعه ع اي احد الا بأذني ومااحب البس مثل غيري والي تاخذ مثل فستاني ماالبسه لو كل الكشخه بيه
١٢. شخصية ادبية ومااحب المواد العلمية واهنا بالدرر احب قسم بقلمي واعشق كتابات ضحى المؤمن
١٣. الروايات عشقي واذا دخلت بجو الرواية انفصل عن العالم ودائما رواياتي وياي هوااي قريت بمحاضرات الدكتور ضياءومراات اقرة واني جايه من الدوام بالسيارة بحيث مرة فتحت الكتاب اول ماصعدت لحد بيتنه نزلت ومانطيت الرجال كروة صاح وراي عمو الله يساعدج عندج امتحان مبينه دايخه خخ
١٤.احب اعيش اللحظة حد ذاتها ومادونها بصورة وعلاقتي بالصور والسيلفي مو قويه
١٥. اكره الجو البارد حيل عندي حساسية اذا صارت الغرفه باردة اكوم اعطسس
١٦.غيوورة جدااا اكثر صفه تلازمني وماتغيرت اغار ع المقربين بحياتي وحت على اصدقائي وع بابا اغار من الهوى
١٧. احب اغسل موااعين وارتب المطبخ وبالنسبة للأكل احب اسوي بي برزنتيشن حلوو دائما ماما تكول هاي الفالحه بيها خخ
١٨.اظاااافيري خط احمر اذا انكسر واحد لا اكل ولا اشرب واعتكف وانعزل ويوم اسود
١٩.اكره الانتظار هفف يشعرني بالتعاسه يعني اذا طلبت شي وكالولي الطلبية اكثر من يومين اكنسل
٢٠. واخيرااا اتعلق بالشي بسررعه والي احبهم اعتبرهم من ممتلكاتي
تحياتي الكم احبكم وايد وايد
رد مع اقتباس
المشاركة الأصلية كتبت بواسطة ^_AHMED_^
