هنا

[فقار الكرخي]

مدري ليش
انت انتظارك يختلف !
لا .. مدري ليش ..انت.كلك.تختلف ؟
روحي صبّيره ويمر طولك نده
چا شرد اصير ...
شيثمر العاگول من تمطر حرير ؟؟
وآنه بس الحزن طيفك ابقى اسير
وانتظارك يجري بيّه وگاعي صبخه..
ما يخضّر بيّه غير الشيب لون اسود حزين

ومدري ليش !
الليله حتى اللون الأبيض ينذكر كلش حزين
مر مثل ليلة رحيلك..هاكثر بيها سواد
چنها شعري.. الطعمه اسود
سنِّيني بلا لون مرّن
وانتظارك طيف .. لو بس طيف تعبر
والله حتى الشوك اسويه ياسمين
والله حتى غيومي هاي العاگر الماترضه تمطر
چنت امطّرها عطر

يالــتعبتني
الگاع.من.ينشف.ثديها.تدر.ملح
وانت لو نشفت عيونك من دمعها
يخضّر الصبير بشفاف الجرح
وآنه كل عمري جرح نشفت شفافه
الصبخه گاع ..يغني فوگ جروحها الفلاح آآآآه
الليل كل ماتثگل مرورة ظلامه
تذوب بشفاف الصبح
وليلي طال..وصلت مرورة ظلامه
المشتهاك..العازتك..
مابيه اغني ..

يالضاعن.چفوفي.من.الدواره.عل يك
يالمابيك شي البهالناس حتى الگيك ..
يالوحدك بروحي تدور
يبرد.نبض.روحي.وانت.بيّ.تفور
وما الگاک
ما الگاك
وردّّن للحلم مجبور







لطيف العامري

[حسن هاشم]

روعة الله الله شكرا للذوق

[سمراء من قوم عيسى]

رائع
شكرا

[فقار الكرخي]

نورتو الموضوع

[حسام البيرماني شيزر]

شكرا ع الانتقااء فقار

[فقار الكرخي]

نورت يالغالي