مرحبا
سائرون على نهج الدرريون
معلومات عني ...هي مو غريبة ..بس بعضها ما شايفتها عند احد ههه
1_عندي فوبيا من جميع الحيوانات ..يعني مستحيل المس كتكوت ..احس اعصابي تتجمد
2_ احب اكل السمك ..بس ماكدر المسة بايدي وانظفة خصوصا اذا اشعر بعده بي نبض اكوم ابجي..اذا اضطر كولش البس اي شي حتى لو علاكة المهم ماشعر بلمسة مباشر
3_ما اخاف من المرتفعات.
4_احب اتعلم الاشياء الي اهواها ..واحب اطورها بنفسي من دون العودة للتعلم من شخص . يعني مجرد تصير الفكرة عندي والباقي علي
5_جدا جدا كسولة اتجاه الاشياء الي احبها واحب امارسها
6_بالفترة الاخيرة جدا زاعجني مزاجي وديتحكم بحياتي ويأثر عليها ...قبل ما كنت هيج ..احتمال فترة وتمر
7_اعشق اللون الازرق بشكل مو طبيعي ..يعني اذا المح فستان ازرق كلبي هيج يسوي تم تم تم تم
8_عصبية جدا . يمكن اغلبكم ماخذ عني نظرة الهادئه
9_من احس شخص ميفهمني اسكت ..وغالبا اكولة كلامك صح في سبيل اسد الموضوع
10 _مزاجية جدا من اريد انام ..لازم هدوء وظلام ماكو اي بصيص نور ..وما احب احد يكعدني بصوت عالي ..واذا مااخذ قيلولة بالنهار يصير عندي ارق بالليل ..نشاطي يبدأ بعد 4عصرا ..دائما نعسانة الصبح لذلك ماحب الصباح
11_ما احب السفر الاماكن بعيدة ...اكرة الطريق لان اتعب وماراح احس بمتعة النزهة
12_بسرعة ابجي ..بحيث قبل كم يوم اهلي حجو على اختي ...هي ما بجت واني بجيت ههههههه واذا بجيت ما اسكت الى ان انام
13_ ماعرف اتعامل مع الاطفال الوكحين اله بالضرب ..اعترف قاسية بهلفقرة
14_ احب امكيج البنات...بس اني ما احب اخلي الروحي..عدا فاونديشن والكحل ..واحب الكحلة الخضراء
15_اذا اريد اسوي انجاز عظيم اكمل البيضة الصبح...واكرة البيض السلك ..واحب الشاي بشكل مفرط ..اغلبكم يعرف هع
16_ما احب احد ايلح علي باي شي ..وما احب السالفة كل شوي تنعاد وما احب التحشيش وقت الجد ..
ما احب الي يحجون بالحب هواي حتى لو كان لي ..احسهم غير صادقين ..وتفقد لذة الشعور الحلو
17_ما اخاف من الاشياء الي ما مجربتها ..بعد التجربة احكم ..حتى لو احد يحجيلي عنها
18_ ما احب المقارنات بين الشخصيات ...مثلا احد يكولي ليش انتي مو مثل فلانة ...او احد يكول لفلانة صيري مثل نايا اكره هلشي جدا جدا ...كل انسان واله شخصيتة حتى لوكان شي ايجابي ولمصلحتي
19_ذاكرتي جدا ضعيفة ..بالارقام والعناوين ..يعني رقم هاتفي ما احفظه
20_احب اسمع مشاكل الاخرين ...بس ماعرف اعبر عن مشاكلي او حتى مشاعري
هواي حجيت ههه شكرا لاصغائكم
رد مع اقتباس
خاصة رقم 12
المشاركة الأصلية كتبت بواسطة امجد &
