حقائق عني...
.....
.
.
1_ اعرف اطبخ كل الاكلات وفنانة بيهن بس التمن ما اعرف اسويه كل ما اسويه لو شوربة لو يحترک
.
2_ عندي اشياء بارعة بيهن مثل الفونات واللاب مثلا اهلي يطلعون ونسه وهيج اني اضل كاعدة اتعلم ^o^
.
3_ دائما احس روحي اكبر من عمري والاغلبية لاحظو عبالهم اكبر من 16
.
4_ احب ابوية اكثر من امي وهل شي مو غريب
.
5_ ماعندي صديقات بلواقع ابددد يعني مو منعزلة بس ما امشي ولا وحدة ومن نطلع عائلتنه ما احب امشي ويه خواتي امشي ويه ابوية وبس لذلك اسمي جان حبيبة ابوهة....
..
6_ كلش اضوج من نروح مكان بيه تجمع يعني احس اختنك وهيج والناس تباوع حتى بدرر من اشوف تجمع بيه اسجل خروج كبل .
.
7_ كل مرة قبل لا انام افكر بلحياة الي مخطتتها بلجنة واروح اقره قران.
.
.
8_ من اروح مكان غريب اباوع افلام مصرية احس انو امان وكآنو ابيتنه *
.
9_ ما ملتزمة بلصلاة بس اقره قران لازم وادعي هواي
.
10_ سنة 2016 غايبة بيها كلها واصلا ما اعرف منو كرار الغراوي ف مرة قبل ميموت حلمت بيه انو اجه لبيتنه هو واخته مادري اذا عنده اخت ف راحت ايام واجت ايام رجعت لدرر ولكيت درر مكلوب عليه فهنا ضليت اسأل وهيج ودائما ادعيله مع انو ما اعرفه....
.
11_ عندي طبع غريب..شايفين الشارع الي يخلون عليه صور الشهداء امشي واترحملهم واحد واحد ومااحب صورة تعبرني وما اترحملها مرة دا احجي ويه امي واحنه بسيارة ابوية ف شفت صورة عبرتني ضليت الليل كله افكر بيها :-|
.
12_ابد ما احب الهدايا يعني احب الفلوس اكثر حتى بعيد ميلادي اكول لابوية لتجيب هدية انطيني فلوس احسن حتى اشتري على مزاجي :-*
13_عندي هلشي ماعرف هم يكولون بدليه بطبعج... مثلا صديقتي من تشكيلي وهيج تكول ضايجة والحل... كبل اكوللهه هاي انتي تردين تزوجين وهيج ف كبل تزعل وكذا حتى خواتي واهلي مثلاً كاعدة بوسط موضوع جاد بين خالاتي ف ديحجون ومندمجين كبل اوكللهم حزورة اخليهم يفكرون وينسوون الموضوع الاصلي..انو بااختصار اكول كلام مو بمحله بس اني الي رايدة هيج ^o^
.
14_دائما احب الصديقات يكونن اكبر مني ما عسا بشهر المهم اكبر مني ف لهيج صديقاتي هنه صديقات اختي ،
...
احب الاختلاف ولهذا السبب غيرت عنوان الموضوع ...
رد مع اقتباس
المشاركة الأصلية كتبت بواسطة مرتجى العامري
