مسائكم/صباحكم انيومسائي/وصباحي انتم
احبكم يمعودين
1-احب الاطفال بشكل مو طبيعيلان اني الجبيره لماما وصار عدها ايوشه الي اني اكبر منها ب4 سنوات بعدها اجت بنوته والله ماكاتبلها تعيش 3 ايام من ولادتها وماتت
لحد الان احسب بعمرها صارت 15 سنه
2-اكره احد يضربله طفل ،لان هو عقله زغير وكلشي ميعرف عامله بلطف ونبه هو رح يعرف هذا خطا اذا انت مسوي كدامه لان الطفل يقلد الكبار بكلشي *-
3-عندي حاله ماعرف شسموها ،اكتب كلشي اليحجي المقابيلي بدون وعي ؛اذا يمي ورقه وقلم اكتب سوالفه او مرات مايمي شي باصبعي واكتب ع ايديمخبله وارسم هم احب اباوع بالشخص وارسمه وتنحفظ معاني وجهه بدماغي
4-الشخص الاحبه اعرف مشيته بدون ماشوف وجهه واعرف صوته وضحكته
5-اني اغار بشكل مو طبيعي ،ع حتى امي وانانيه بهلشي يعني اريده بس الي
6-ماما اذا مشفتها بالبيت اتخبل »من ارجع من الدوام اذا مشفتها مااكل ولاانام وابقى كلسع اسال شوكت تجي ،اذا غابت عن البيت فتره حتى. لو يوم اوكع مريضه كلش )
الي يصير بيه يصير بماما ،مثلا اذا وجعتني بطني لو راسي لو اي شي الكاها هي هم *-* والعكس صحيح
7-احب الهدايا كلش ان كانت بسيطه او غاليه ،احتفظ بيهن وعندي هدايا من واني زغيره كلش قديمات والهن معنى خاص الي واحب دائما اطلعهن واقره الرسائل الي وياهن وي الهدايا
8-احب الطين
9-ماحب احد يوكف يمي بالمطبخ *-*بس الي اريد اسولف وياه واني انظف لو اطبخ
10-مانظف البيت اني بس من اشوف ولاواحد بي اخذ راحتي وانظفه من فوك ليجوه ،واهم شي الهتفون باذني والاغاني الاحبها
11-مدمنة نت بشكل مو طبيعي يجوز لان ماحب اكعد وي اهلي بسبب القال والقيل والمشاكل فالتجا الى النت
12-احب انعزل بوحدي مرات ،احب افكر ومحد يمي ،ماحب احد يقاطعني واني افكر او ارسم او اكتب
13-احب السفر كلش احب الدحامه يعني حتى لو مريضه ويكلولي رح نروح يلكوني كدامهم
14-مهووسه بالازياء والموضه ،واني البس امي وخواتي وميطلعن اذا مياخذن رايي بلبسهن وستايلهن ،واسودن من واحد يطلع مبهذل وستايله ممرتبه
15-كلش مغرمه بالساعات بحيث ماما من تروح سفره تجيبلي ساعه حتى. بابا،وبعدها الاحذيه ،وبعدها الجنط
16-الفستان الي بالي ارسمه وابقى ادور عليه ومالكاه لذلك ينشلع كلبي بالملابس مو بسهوله اقتنع بلبسه الاشوفها بالمحل ،لذلك ماما تسميني قنقينه
17-ماحب عصير البرتقال ولاكيكة البرتقال ولا اي شي بي برتقال ،لان بس اكله انغث واتقيء ،ومره اكلت كيكه وعصير برتقال واني زغيره رايحه لبغداد وي بيبتي وجدو
18-عصبيه كلش*-*انطي تنبيهات الاخواني وانطيهم ثلاث بطايق صفره وخضره وحمره
19-ماكل للحم من واني زغيره لحم الاحمر ع الاطلاق اشبها باشياء سخيفه
20-ماحب البرتقال
وهواي
اتمنى استمتعتم مع نفس
رد مع اقتباس
المشاركة الأصلية كتبت بواسطة علي *الاسدي *
