هنا

[Mohammed K.F]

صباح / مساء الخير
لان الجو حار والموضوع طويل, ادعوكم لتناول بعض العصائر


والان نبدي بدون مقدمات

1.
معلومة يعرفها الجميع عني, احب المقالب وما اضيع اي فرصة للقيام بمقلب..
لكن بالفترة الاخيرة فقدت مواهبي وصرت ضحية لعدة مقالب
-----------------
2.
انزعج جدا واشعر بالتوتر من صوت ساعة الحائط, ما عندي اي ساعة حائط بالبيت
-----------------
3. دائما اتواجد قبل نص ساعة عالاقل اذا عندي موعد, حتى لو كان الامر تافه وما يستحق.. واذا صديق تأخر علية اكثر من مرة انهي العلاقة بيني وبينه
-----------------
4. حاليا ما عندي اي صديق ( بمعنى الصديق ) بالعالم الواقعي
-------------------
5. احب الوحدة واحيانا احسد المسجونين واعتبر وضعهم نعمة واتمنى اكون بمكانهم
------------------
6. اعتبر المطبخ حق من حقوق الرجل تنازل عنه للمرأة بسبب الكسل, وما اؤمن بمقولة ( المطبخ مملكة المرأة),
يجب ان نسترد حقوقنا من حواء
-----------------
7. احب اطبخ واترك لمستي الخاصة بعيدا عن التعليمات والمقادير.. لان الطبخ نوع من الفن مطلوب فيه الابداع وليس التقليد والرتابة
----------------
8. ما زلنا باجواء الاكل, احب الاكلات الغريبة مثل البيض والتمن (اكلة كات المفضلة ),
وطبعا الخبز لازم دائما متواجد مع الاكل, حتى البيتزا اكلها وية الخبز
---------------
9. اتحمس جدا لفكرة او مشروع, ولكن ممكن باخر لحظة او اخر خطوة اغير رأيي واهدم كل اللي سويته وبدون سبب مقنع
----------------
10. اذا كنت مسافر ما انام ولا لحظة بالطريق حتى لو بقيت بدون نوم لعدة ايام ( باحدى السفرات ما نمت لمدة 3 ايام).. والغريب حتى بعد انتهاء الرحلة احتاج عدة ايام حتى استعيد وضعي الطبيعي بالنوم
---------------
11. ممكن تاخذ مني اي شي, لكن لا تحلم تاخذ مني قلم (الشي الوحيد اللي ما اكدر اهديه للاخرين)
--------------
12. احب قراءة الكتب, باستثناء المناهج الدراسية المفروضة علية.. وعادة اجيب كتب خارجية تتكلم عن نفس المواضيع المطلوبة حتى افهم المادة
--------------
13. احب الكتابة ولهذا السبب دائما اواجه صعوبة بالالتزام بعدد الصفحات المطلوبة.. في احد الابحاث الجامعية كان مطلوب كتابة بحث ما يتعدى 20 صفحة, لكن اني اخذني الواهس وكتبت 58 صفحة.. طبعا تعرفون النتيجة
-------------
14. ما احب مشاركة الاخرين احزاني او همومي, وانزعج جدا من سؤال (شبيك اليوم ضايج؟) او (اليوم انت مو طبيعي, صاير شي)
------------
15. اغلب الاحداث احفظها بتواريخها وتفاصيلها, واتوتر اذا نسيت شي من الحدث
-----------
16. ما عندي القدرة على حفظ اي رقم اخر غير رقم تلفوني الخاص, حتى لو كانت الارقام الاخرى سهلة الحفظ
---------------
17. احب توثيق اي لحظة او مكان او موقف بالصور,, عندي هارددسك 350 GB فقط للصور, اعتقد يحتوي على اكثر من مليون صورة
----------------
18. تكملة للمعلومة السابقة, شخصيا ما احب اظهر بالصور وما اصور نفسي الا لظروف خاصة
---------------
19. اكره الالتزام بقواعد الترتيب, خصوصا بالبيت, الفوضى تعجبني اكثر
--------------
20. كان حلمي اكون طيار, برغم المشاكل اللي عندي من الاماكن المرتفعة..
وكنت هواي احلم يصير خلل بالطائرة وتسقط وكل الركاب ما يصيرهم بيهم شي, الا اني اموت... كل هذا الحلم بس حتى اطلع بصورة البطل اللي ضحى بحياته وانقذ الركاب

----------
شنو اكثر معلومة غريبة عني؟
اسف تعبتكم

[Ημdα]

ال 17
.
حلو جداً

[Scrap]

يامية هلا ب محمد
حل لنقطة 16 اربط الارقام بحدث حتى تگدر تحفظهن
يعني مثل نقطة 15

[ازدهار]

شنو اكثر معلومة غريبة عني؟
اسف تعبتكم

3. دائما اتواجد قبل نص ساعة عالاقل اذا عندي موعد, حتى لو كان الامر تافه وما يستحق.. واذا صديق تأخر علية اكثر من مرة انهي العلاقة بيني وبينه.

[مصطفى العراب]

ههههه بعض المعلومات غريبة جدا

مثلا تحسد السجين ع السجن

[برلين]

طبعا ما رح يصير عندك صديق بالواقع ولا رح يصير عندك صديق بسبب النقطة الثالثة
همزين انت مو صديقي بالواقع
لان كل اصدقائي المقربين ومدرائي بالعمل يشكون من مواعيدي ، واذا وصلت ورة نصف ساعة اعتبر نفسي انكليزي بالمواعيد

[❀aşk çiçeği❀]

20معلومة كلش غريبه تذكرني بنفسي من جنت احلم اكون رائدة فضاء وأتمنى اموت على سطح القمر

[ضـوء السلطـنه]

شنو اكثر معلومة غريبة عني؟
اسف تعبتكم

5 و 10
..
بال 16 نفسك م اقدر احفظ الارقام لو اكررها 10 مرات ماكو فايده
..
رائع انت مديرنا
كل التحيه لك

[mint]

كل الود لك

شخصية غربيه ببعض النقاط

تحياتي

[علي الاسدي**]

اغرب ماقرأت
انزعج جدا واشعر بالتوتر من صوت ساعة الحائط, ما عندي اي ساعة حائط بالبيت
-----------------
شعجب؟