درر العراق

أنثى حائرة · 6/August/2018

مرحبا
قبل كم يوم تقدم شخص لخطبتي
سيد ومن عائلة كربلائية معروفه
بالتدين ومحافظين لكن ليس لدرجة التشدد منفتحين
اني خريجة وانتظر التعيين بفارغ الصبر
الولد حد الان كولشي تمام عدا شرطة اللي من البداية طرحه
وهو
ماكو تعيين
وقافل ع هالشي يكول اريد زوجتي بس اللي وميشغلها شي
واني اهلي ايضا محافظين وكالولي ماكو تعيين لمن تتزوجين
والولد حاليا شرط ماكو تعيين
....
وبالمناسبة اختي من تزوجت شرطنا ع زوجها التعيين وحاليا رافض انها تتعين رغم الشرط

هالولد واضح من البداية وميريد يخدعنا بشي
اني جدا حابة اتوضف واحس اللي مكانة بالمجتمع
لكن هواي صديقات عندي وحده هندسة بتروكيمياوي وتركت وضيفتها حتى ترضي زوجها
واللي متقدملي موضف ومراح احتاج فلوس او شي

شنو رأيكم اوافق بي لو لا
وليش

Hani Yaqoub · 6/August/2018

بداية هو من حقه يطلب هيج
وانت من حقج ترفضين

نهاية ذكرج لهل الامثله يدل على محاولة اقناع نفسج بيه لان لنت حابه التعين

فعليه اشوف اذا جنت تردين تشوفين ثمرة تعب هل السنين رفضي وتعيني و وافقي بالي يقبل تتعينين
اما اذا جنتي تشوفين اوك ماكو داعي والزواج اهم لان التعين احتمال كبير ماكو وهذا انسان جيد من كل النواحي فوافقي

عضويه 293 · 6/August/2018

افضل سلاح للمراة هو التعيين وتصير مو بحاجه زوجها بالعكس تساعده

برايي ارفضي وانتظري التعيين

^_AHMED_^ · 6/August/2018

اذا ضمنتي انو هو يوفرلج كلشي وبدون منية
يعني فقط يوفرلج هالشي لانك بحياته ويحبج
ويودج فوافقي ماكو مشكلة

مرتضى علي · 6/August/2018

ما اعتقد رأينا مهم ..
التعيين و الزواج ثنيناتهن مهمات ..
البعض يشوف الزواج أولى للمرأة و البعض الآخر يرى التعيين أولى ..
انتي لازم تكونين صادقة وي نفسچ و تعرفين شنو الأهم بالنسبة الچ التعيين و انتظار خاطب آخر لو هذا الزوج .
منو اللي تگدرين تضحين بيه
هل انت رايدة هذا الزوج دون غيره لو تگدرين تضحين بالزواج منه لأجل التعيين ..
لازم تكونين صادقة وي نفسچ
و اظن ماكو مفر من التضحية بأحدهم ..

نتمنالچ التوفيق و السعادة يا رب