هنا

[فقار الكرخي]

نامي الدمع بالليل واحد
نامي، وخياله وياچ گاعد
نامي، العمر حفنة كواغد
شما نشتعل، نحتاج والد

آنه انكسر مثلچ على النوم
كسرة گمر، تضوي بفجر لوم
وفوگ الچراچف شوگنه نجوم
(بس يا دمع بللت الهدوم)

تنطرين والد، وانطر احباب
تمطرين شوگ، وأنطر عتاب
تمطرين طيف؟، يچذّبْ الباب
ما يرد،
حتى الطيف چذَاب

شبگيني،
خل نبچي
العمر مر
والنهد عينچ،
والحزن دَر
رضعي انتظار،
شما تِنه البَر ...
يبچي البحر بالليل مضطر

لا تصحّين الشوگ بيّه
ما لا يگه احزانچ عليه
بيدچ أبو،
وما بين اديّه
شفتين تمطر واهليَه

تانيت،
حد ظلوع
ودموع
وغنّيت،
حد ما شوگنه يموع
وگلت انطفيت
وشبّت شموع
تونه اشتعلنه
الماي ممنوع









عامر عاصي

[سمراء من قوم عيسى]

انتقاء جميل

[فقار الكرخي]

نورتي يالغالية