هنا

[فقار الكرخي]

كافي

تعبنه هواي من بوگ السلاطين
يعين شمالج الاوين تبجين
كافي وصيري حمره وطيحي الغروب
كافي انام بفياي الدرابين
وطن ابن السياسي يغازل الكاس
الطاحو بيهه بس ولد المساكين
وطن ينكل جثث وعيون البيوت
رمده وجه شاحب صارله سنين
وطفله اتيتمت والليل من جاع
كله لذة شرفهه بحجة الدين
وأم تبجي لحد مانكعت الااخ
ومرت الحمه الطين بيت من طين
ولدنه السدو فطور الحظارات
صورهم سدت فطور الحياطين
كل ذني وبعدنه نعيش ونموت
طحنه ومانرد نطيح مرتين
كل ذني ورجعنه نضحي للكاع
ودمنه ع السواتر ظل نياشين
كافي نموت حتى الحاكم يعيش
كافي وخل نرد الصاع صاعين
كلت من جتتفي صار 15 عام
يهلبت تستحي وتردلي الدين.


كريم حاشوش

[نبض فتاة]

الله الله

[امجد &]

جميل

[فقار الكرخي]

منورين الكون