مباشرة نبلش
١_اتعاجز امشط ورا ما اسبح ويبقى شعري چنه مال مشرد
٢_من اوقت المنبه اگعد قبله بنص ساعة
٣_من اشتاق لصديق ما اخابره ولا اسأل عليه الى ان هو يبادر ودائما يعاتبوني وابقة هيج
٤_على خلاف اغلب المجتمع العراقي بالمواعيد احضر قبل نص ساعة او ساعة قبل موعد اللقاء واعتبر هالشي غريب بالعراق هههه
٥_احب انشر صوري العفوية الغالباً طالع بيهن مرعبل هههه اكثر من الصور مال صورني واني مادري
٦_اكره الاضاءة العالية واستمتع بالظلام
٧_وجبة العشة احبها دسمة وغالبا اتعشى مرتين واكره الريوگ رغم ان الريوگ اهم من العشة والاطباء ينصحون ان وجبة العشة الافضل تنهمل
٨_الاصدقاء المقربين دائما اتابع سلوكياتهم حتى اعرف بواطن شخصيتهم
٩_من امل من النقاش الجدّي احوله تحشيش حتى اغلقه واخلص
١٠_احب الحجي ويا الناس الغرباء الي نسبة اللقاء بيهم مرة ثانية 0٪
١١_من نطلع لمطعم دائما اگول اصور الاكل قبل وبعد ومن تنزل الطلبية اسحگها ومن اشبع اتذكر
١٢_يگولون امشي شهر ولا تعبر نهر . اني افضل ان اعبر نهر واختار الطرق الاقصر بغض النظر عن التوابع
١٣_احترم الشخص اليجيني وجه لوجه ويگلي انت مكروه "ياخي شعور حلو"
١٤_اكره البس ساعة واعتمد ع الفون بمعرفة الوقتبس مرات انجبر علمود التنسيق وكذا "سمايل عگروگ"
١٥_من ما انام زين اكون قنبلة غضب وانفجر ع شغلات تافهة بعدين اندم عليها *-*
١٦_اكره الاماكن الفخمة وما ارتاح بيهن ، واحب الاماكن البسيطة العفوية
الباقيات بعدين
رد مع اقتباس
المشاركة الأصلية كتبت بواسطة ^_AHMED_^
