هنا

[Levai]

ماهو #التقديم_المباشر على الجامعة التكنولوجية :

١- هو نظام جديد تم استحداثه العام الماضي في الجامعة التكنولوجية
وهو عبارة عن تقديم الكتروني عبر موقع الجامعة التكنولوجية على الانترنيت ( http://www.uotechnology.edu.iq/index...02-26-08-07-31 )

وليس عبر موقع وزارة التعليم

اي ان التقديم يكون مباشرة للجامعة وليس للوزارة نفسها

٢- تم تطبيق هذا النظام العام السابق على ٦ اقسام وهي :

أ- الهندسة المدنية وقبل ادنى معدل تنافسي العام الماضي ( ٨١.٤٥ )
ب- الهندسة الكهروميكانيكية وقبل ادنى معدل تنافسي العام الماضي ( ٧٦.٥٧ )
ت-هندسة النفط وقبل ادنى معدل تنافسي العام الماضي ( ٨٩.٥٢ )
ث- هندسة الطب الحياتي وقبل ادنى معدل تنافسي العام الماضي ( ٨٧.٥٢ )
ج-هندسة العمارة وقبل ادنى معدل تنافسي العام الماضي ( ٨٦.٤٢ )
ح-علوم الحاسوب وقبل ادنى معدل تنافسي العام الماضي ( ٧٠.٨)

٣- هذه السنة تم اضافة ٣ اقسام اخرى بالاضافة الى الاقسام اعلاه للتقديم المباشر وهي :
أ- قسم هندسة الحاسبات
ب- هندسة الاتصالات
ج- علوم تطبيقية

٤- يعتمد القبول في الجامعة التكنولوجية على الامتحان التنافسي من ( ٢٠ درجة تضاف للمجموعك ) تتوزع على ما يأتي :

أ- الامتحان ( الاختبار ) الالكتروني : عليه ١٥ درجة تضاف لمجموع الطالب
ويكون الاختبار ع الحاسبة ( يعني تروح للجامعة وينطوك ٣٠ سؤال ع الحاسبة والاسئلة تكون من منهاج السادس الاعدادي يعني من المواد الي درستها )
ب- المقابله : وعليها ٥ درجات : ( يعني يقابلك يجوز رئيس قسم او دكتور بالجامعة ويسئلك اسئله عامة مثلا ليش اختاريت الجامعة ليش اختاريت هل قسم والي خليته او شي , شكد معدلك ,,, اسئله بسيطة وغالبا ما الطلاب يحصلون على ٥ درجات كاملة ينطوها كمساعدة للطلاب )

ملاحظة : #الامتحان_التنافسي ( الاختبار ) مهم

اذا ما نجحت بالاختبار او محصلت ١٠ من ٢٠ من مجموع المقابلة والاختبار يحق الك تعيد الامتحان لمرة واحدة فقط ....

#ملاحظات

١- : المعدلات اعلاه هي معدل الطالب التنافسي ( يعني تنزل من كل قسم ٢-٥ درجات من المعدل اعلاه ليصبح المعدل العام الحقيقي لان المعدل التنافسي عبارة عن
( مجموع درجاتك + درجة الامتحان + درجة المقابلة مثل ما شرحتها فوك )

٢- مو شرط اذا تخلي بالاستمارة مثلا اول شي هندسة نفط وراها هندسة مدني وراها علوم حاسوب

وتريد يطلعلك هندسة نفط ...... لا حسب معدلك يجوز يطلعلك علوم حاسوب

٣- ينغلق التقديم بعد ١٠ ايام من نتائج الدور الثاني للسادس الاعدادي

لا تستعجل وتقدم هسة اصبروا راح نشرح اكثر فيما بعد ونخلي روابط بهذا الموضوع

#المعدلات_اعلاه قابلة للتغير صعود او نزول

[صفاء العامري]

شكرا ليفاي

[Om Ahmed]

شكرا

[Ⓢⓐⓑⓐ]

شكرا ليفاي