تحميل mp3
ابلا كلام ولا عتب
يحرك سنابل شوك
بجفوف اليتاني
ولا رسالة عشك خضره
ولا جرح ينزف اماني
ابلا كلام
جيتك و ممشيت خطوة
وقلبي بجناحه اعتناك
وآنا ضليت ابمكاني
وبنتظارك روحي شمعة
تنتظر دمعة اعله دمعة
وقطع اجفوف الامل
سيف الثواني
ابلا كلام
و تشرب الساعات عمري
ومسمعت صوتك باذاني
وآنا اشرب كاس صبري
واغفه بوساده زماني
ابراسي تتزاحم سوالف
وعالبحر كل جمعة واكف
لحظة حاير لحظة خايف
واسألك يالمبعد شهالغيبة ؟
وبإنتظار الموت ياخذني
ويردني
ادعي ربي وانته تسمع
بلكي يرجع
حن اعله حالي وتعال
آ يمهدي
احسب ايامك نزيف
وقطرة قطرة
وتنزل ادموع الدعاء الفرج لجلك
قطرة قطرة
كل حرف ازرع دمع
يالمهدي ويخضرلي شجرة
قذيت عيني ابغيابك
والجفن مابيه عبرة
ومثل حرث الكاع
احرث روحي
يالملقاك مطرة
وما لفت منك سحابة
شوك اليه
ولا خبر منك ولا
مرسال اجاني
مْنتظر ....
يالمُنتظر يصرخ لساني
ابلا كلام
________
كلمات الشاعر " مصطفى الصائغ الكاظمي "
٢٠١٨
________
التدوين لــ Zahraa
رد مع اقتباس
المشاركة الأصلية كتبت بواسطة حسن هاشم
