بابا وسﻻم حاولو يهدئو ماكو فايدة صاح علة سمى كللهة بسرعة لمي هدومج وتعاي
بابا كلة ابو سمى علة كيفج سمى شدخلهة ليش تسوي هيج حرام عليك
حرام علية مو!
بس انتة من جذبت علية وخدعتني موحرام عليك هسة صرت تعرف الحرام
بسرعة ولج لمي هدومج
سمى رأسن نزلن دموعهة كلتلة بابا الله يخليك ﻻتسوي هيج ليش تشبج سالفة بسالفة البنية مارايدة لؤي عمو مابيدة شي وحرام تجبروهة واني وسﻻم مالنة ذنب بكل هاذ حرام عليك بابا ﻻتضلمنة
ضربهة راشدي ودفعهة كللهة بساع لمي هدومج وﻻتجادليني صوتج ماسمعة راحت خطية لمت هدومهة طبيت يمهة تبجي مفرفحة شحجي وشكول فشﻻنة منهة كولش يومية متهجولة من وراي من تزوجت لليوم مازعلت هية وسﻻم واحد يموت عﻻخ بس من ورة سالفتي يومية صايرتلهة مشكلة
حطيت ايدي علة جتفهة وكمت ابجي ندارت علية ماحاجتني وبس تبجي وتشهك لمت هدومهة وهدوم مريوم وشالتهن ودتهن جوة بﻻستقبال رجعت شالت مريوم من جربايتهة جانت نايمة رأسن فزت
نزلت شافهة عمو هية ومريوم كللهة هاي شنو جايبتهة وياج ذبيهة علة اهلهة
كلتلة شنو اذبهة علة اهلهة بابا بتي هاي حفيدتك انتة شتحجي
كللهة مثل ماجاي اكلج ويصيح صوتة واصل لسابع جار
بابا مريوم ترضع علة صدري شلون اعوفهة الله يخليك بابا خليني اخذهة وياي
سﻻم :عمو ليش هيج تسوي احنة شنو ذنبنة هية قسمة وماصارت هاي لطفلة شنو ذنبهة تحرمهة من امهة وهية ستوهة عمرهة سنة
جر مريوم من ايد سمى ذبهة بلكاع خطية ستوهة فازة من لنوم ومتنوحسة كولش فرفحت من اخذهة من امهة
شالتهة امي وسمى كامت تبجي وتتوسل بعمو
وعمو وﻻعبالك جر سمى خطية سحلهة سحل وهية تصرخ علة بتهة ومريوم تصيح ماما وتبجي كلبت الدنية
ولؤي واكف كلشي ماسوة وﻻنطق حرف شكد كرهتة بهاي الحضة دمر حياة اختة ويدري بية مارايدتة
سﻻم كام يبجي حضن بتة من شافهة فرفح عليهة واحنة كولنة نبجي ومقهورين واني نحطيت بموقف ماانحسد علي الكل يباوعلي بنضرة كأنه مذنبة وكأنه اني السبب بلي صار مع انو همة لمذنبين همة نطولنفسهم حق يتحكمون بحياتي وانطو لعمو كلمة بدون حتة ميعرفون رأيي وهاذ الشي ابدا مومن حقهم
سﻻم اخذ مريوم وطلع اني لملمت اﻻستقبال ورحت لغرفتي
لهناك اجة سﻻم مشتري لمريوم ممية وحليب دك علية لباب فتحتة
هاج سويلهة ممة خل تسكت جوعانة
اخذت الغراض من عدة ولزمت ايدة كتلة خوية ادري بيك ضايج مني بس اني حالي حالك هم مالي ذنب ماكدر اوافق اني اشوفة مثل اخوي وهوة زعطوط ﻻعملة وﻻشغلة شلون اربط روحي ويا هاذ زواج مولعب
باوعلي ماجاوبني كولشي جر ايدة مني وراح
نقهرت حييل قابل اني شعلية اذا همة يردون يهجمون بيت بتهم بأديهم
مريوم فرفحت مدري شبيهة دفيت مي بسرعة وسويتلهة ممية اجيت اريد اخذهة من سﻻم ارضعهة جر الممية من ايدي ومانطاني مريوم زعﻻن مني
عفتة وطبيت لغرفتي فرفحت اول مرة سﻻم يعاملني هيج هوة حقة مقهور علة بتة وزوجتة بس اني شنو ذنبي شعلية انجبر علة انسان ماريدة
رضعت الممية مريوم واول ماخلصت الممة بدت تبجي امي وسﻻم شالوهة لعبوهة جابو مﻻعيبهة يمهة راح سﻻم شترالهة جباسة وحلويات ماكو مترضة تسكت ضلت. علة فد صرخة للساعة ب2 بليل هية مفرفحة بابا راح جاب جهال جوارينة يمهة شوية سكتت من شافتهم بس راحو رجعت تصرخ لبيت كلة دخل نذار ماخلينة شي ماسوينا الهة اني متت عليهة نتهيت كامت تشهك اخر شي صارت زركة وفحطت سﻻم كام يبجي ويصيح حتة ضرب روحة مرتين كوة الة جرت الهوة ورجعت طبيعية اني واكفة بعيدة اراقب ومنتهية من لبجي اخاف اتقرب وامي بس تحجي علية
كولة صوج ديما متكول خطية اخوي ومرتة حياتهم راح تخرب من وراي متكول هاي الطفلة شوو ذنبهة موتت روحهة علة امهة
طبيت لغرفتي فرفحت من لبجي لحكتني امي للغرفة ادري بيهة تريد ترزلني اول ماطبت كتلهة ماما لعد اني شنو ذنبي اني موبشر ماعدي كلب اخرب حياتي واعيش وية انسان ماريدة وﻻعمري حبيتة وﻻيناسبني وﻻاناسبة ليش تطون كلمة بلة متسألوني هاي حياتي اني موحياتكم ليش تختارون بلنيابة عني منو كللكم اني ماعدي رئي وماعرف اختار
ولج ماما احنة غلطنة ماتخيلنة هيج راح يصير
اي لعد تحملو نتيجة غلطكم موتكولين غلطنة اني ماادفع ثمن غلطتكم خوش
امي ضلت تحجي وياي وتكلي لؤي زين وحباب ويحبج واهلة هم زينين ورايدينج وماعدج ﻻحمة وﻻحماة لبيت اول وتالي الج واذا علحب تحبي والله ماما بس انتي وافقي وشوفي شلون راح تكومين تحبي
كتلهة ماكدر ماما اعتذر منج
خلة وطلعت
ضليت اليل كولة اسمع صوت مريوم كلسا تفز تصرخ للصبح تبجي عليهة سودة علية حتة وهية نايمة تشهك وتناشغ بكد مابجت
ثاني يوم كعدت لصبح مالكيت بابا ماخذ مريوم ورايح لبيت عمو نضفت لبيت وطبخت الغدة ﻻن ماما اليل كلة سهرانة وية مريوم مانامت خطية عفتهة نايمة ماكعدتهة
صارت ب12 ندكت لباب فتحتهة بابا ومريوم نايمة بأيدة اخذتهة منة وكتلة
هابابا الله يساعدك
هلو بنتي
ها بابا شصار
عود رحت وديتهة كلت بلكي بشوفهة شلون تبجي وينقهر عليهة ينكسر خاطرة شو طلع فتح لب
اب بس شافني طبك الباب بوجهي وطب رجعت دكيت لباب دكيت ماكو تالي طبيت عد جوارينهم شربت كﻻص مي وشوية ريحت رجلية تعبت من لطريق مريم كلبت الدنيا يمهم تالي خليت واجيت
طببت مريوم للغرفة مالتهم نومتهة بفراشهة وطلعت صبيت غدة محد الة نفس ياكل احط ﻻكل واشيلة نفس ماهوة وماما كوة تحاجيني
اول ماخلصت مواعين طبيت لغرفتي اريد ارتاح فزت مريوم كلبت الدنيا بلصياح شايلتهة وافتر بيهة تعبت وهية ماتعبت من البجي فرفح كلبي عليهة سودة علية عيونهة مورمات وخشمهة احمر حتة حسام ناسيتة من وراهة
علما طلع سﻻم اخذهة مني اني منتهية من لفر شايلتهة وافتر بيهة بس اكعد بلكاع تصرخ
طبيت لغرفتي دكيت علة حسام كلعادة مغلق
بليل اجتني ماما هم حجت وياي ورجعت عادت نفس لحجي اني مقهورة حييل علة سمى ومريوم فرفحت كلبي والله لووضعي مثل قبل
قبل مااتعرف علة حسام جان وافقت لخاطرهم حتة لو موحاسة بي بس حسام مايستاهل مني اسوي بي هيج
ﻻزم اصبر علمودة واتحمل عسى ولعل ربي يلتفتلنة وعمو يقتنع
سﻻم وماما يدكون علة سمى مغلق اكيد مثل ذيج المرة عمو ماخذ تلفونهة حسام مادك علية ابد دكيت علي مرتين جهازة مفتوح مامغلق يعني مماخذي منة همة ياخذون تلفوناتهم من عدهم وينطو الهم مرتين بﻻسبوع بس ممنوع يخابرون احد ينطو الهم علمود يتسلون بي بس حسام اول ماينطو الة يتختل ويخابرني ليش مدايخابرني لعد
للعصر طلعت من غرفتي مريوم مطلعهة سﻻم برة يشتريلهة حتة تسكت ﻻن صارلهة يومين علة فد صرخة حتة بﻻعيمهة طبكن وصوتهة صارت بي بحة وبابا وماما وسﻻم متخبلين عليهى من ايد ﻻيد بس يردوهة تسكت ماكو ورضاعتهة قليلة وياحليب الي ننجييبة الهة مدا يوالمهة لو يسوي عدهة اسهال لو امساك سﻻم اخذ اجازة من لدوام وكابلهة وكعد صارلة يومين
فتريت بلبيت بابا بﻻستقبال يقرة بكتاب وماما بغرفتهة تتفرج تلفزيون لبيت كئيب كولش وكلهة تباوعلي بنضرة المذنب
كأنه الذنب ذنبي وﻻعبالك همة الي سوو هاذ الشي بدون حتة مياخذون رأيي
طلعت بلحديقة كعدت بلكاع واباوع علسمة وأتذكر من خطبوني ووافقت شكد فرحو اهلي بيومهة وسمى حضنتني وكامت تبجي والله اتمنة افرحهم بس الشي موبيدي كلبي ختار حسام محد يكدر يقاوم هاذ الحب ويروح برجلي ﻻنسان مرايدة وﻻيحبة وحسام مالة ذنب بكل هاذ
قطع شرود عقلي دكت لباب كمت باوعت من لزرف جان اشوف
رد مع اقتباس