مساء العافيه
قصه جديده
#بارت1و 2
سﻻم ماما
هلو ماماتي
ماما باجر حفلة التخرج مالتنة واريد اروح اشتري مﻻبس
ياتخرج ماما انتي صف ثالث وينج ووين التخرج
اي ماما غير نتخرج من المتوسطة نروح لﻻعداية
والله دراسة اخر وكت
ماكدر امي مالي خلك فرة السوك خل سﻻم ياخذكم انتي وسما
ماشي بس حركي جيبج خل اشوف سماوي
سما سما سماوي سمو
ها يمعودة فززتي مريم شبيج
احبج
بلة لواكة واحجي شتردين
اريد اروح للسوك وماما متقبل تاخذني خل نروح اني وياج نكل لسﻻم يودينة
والله يا دم دم صايرة تلعب روحي من لطلعة كلش مريومة كلش تأذيني تتنوحس من نطله مدري شبيهة
نخليهة يم ماما
ﻻ ماكدر اعوفهة كلبي ميطيني
حبابة حبابة اني ماعدي غيرج ماما متقبل تجي وياي
يلله ماشي بس لتلحين
نطيني بوسة يااحلة مرت اخو بلدنية
اها بدت الواكة مصلحجية مثل اخوج
احبج سمو
حياااتي واني اموت عليج والله انتي خيتي ولج
مرحبا اعرفكم بنفسي اسمي ديما مواليدي 1996 عمري 18سنة صف ثالث متوسط بس تاركة 3 سنوات صارت عدنة ضروف بلعائلة وضطريت اترك شكلي حلو نوعا ما بيضة وعيوني جوزيات كبار خشمي وسط وحلكي زغير بس منفوخ شعري لحد نص ضهري طولي 163 وزني 48 احب دراستي كلش وحلمي اكون مدرسة طبيعتي خوافة كلش وماعندي سوالف البنات مال لحب والمبايﻻت وبلصف محد يحبني ﻻن هيج طبعي ويسموني المعقدة محد يحتك بية ماعدى ثنين بنات زهراء وفاطمة احبهم ﻻن بس همة عدي عﻻقة بيهم ومن يصادف غايبات اضوج كلش احجيلهم كلشي عني ﻻن حبابات وكتومات عائلتي متكونة من بابا وماما واخوتي ثنين سﻻم ورسول واختي رؤى الزغيرة مريضة بلقلب ومرضهى كلش متعبنة والدكاترة كالو حالتهة ميؤس منهة
يلله سما خلصتي
اي دم دم جاية
اجت سما طلعنة وصلنة سﻻم للسوك وراح كال من تخلصون خابروني فتريت السوك كلة يلله ستقريت علة شي اخذت ثوب اصفر ومطعم بأسود لحد الركبة ويجي ويا ستريج جوا واكسسوارات وحذاء حلوة هم سودة وبيهة شذر ذهبي خابرنة سﻻم كال اني صارتلي شغلة ماكدر اجيكم اخذو تكسي وتعالو
سما :تعاي ديما خل نأجر تكسي
خل نتمشة لبيت قريب ولجو حلو حبابة
لج مناك مريومة امشي هسة خبصت الﻻمة بلبجي
ماعليهة شي امي تسكتهة حبابة والله ضايجة خل تمشة
يلله امشي بس لتلحين تدرين بية اكره الملحة
طبعا اني استغل نقطة ضعف سمى وهية انو تكره الملحة بس هية تحبني كلش مترفضلي طلب وتعتبرني اختهة لزغيرة ﻻن خطية ماعدهة خوات بس اخو واحد اسمة لوئي مزعج كلش اني منهة اتبرة منة
هية واخوي تزوجو عن حب وكلش عﻻقتهم حلوة حتة بعد ماخلفو عبالك بﻻبل وهية سمى وردة اهلي يموتون عليهة حباباة ونادرة وخدومة حتة كرايبنة يحبوهة
دانمشي عبرنة لسوك خلصنا وطبينة لمنطقتنة اكو ولد ثنين لحكونة
يمشون ورانة ويذبون حجي بس يفشل اني متت من لخوف وسما تضحك تكول بكد جهالي والله يا الله
اخر شي اجة واحد جر ايدي يريد يحط لرقم بيهة سما ضلت تصيح علي ورزلتة هوة كللهة شبيج غرتي ﻻن مانطيتج الرقم الج
جاي يحجي وياهة وهية تعيط علي وتصيح منحس الة واحد جيت فوك الولد ووكععة بلكاع نام فوكا وشبعة بوكسات دمة حلكة وخشمة وصديقة من شاف الوضع خلة وشرد احنة عفناهم ومشينة اني كلسا اندار اريد اشوف لعركة خلصت لو ﻻ واريد اعرف منوة هاذ الي لزمة وسمى تعيط بية بس مارتاحيت لحد ماعرفتة منو
سما :رتاحيتي هسة كلة من وراج الة ترجعين مشي هية كربﻻء مال يمشن بيهة بنات لوحدهن
اي اني شمدريني يا سماوي
هاذ الي ضرب الولد تدرين منو
منو
حسام الي بيتهم كبالنة
ها ذولة ال بدير الي عمو يكرهم
اي همة
وصلنة للبيت طلعت المﻻبس اقيس بيهم واخذت مبايل ماما حتة لصبح اخذة وياي طبعا المديرة كالت لتجيبون مبايل بس اني راح اخذة واضمة ﻻن اريد اطك صور وية صديقاتي
حضرت مﻻبسي من اليل وسويت كيكة اريد اخذهة وياي نمت بس بلكوة ﻻن فرحانة بحفلة باجر وافكر مﻻبسي خاف مو حلوات والبنات ﻻبسات احلة مني
كعدت لصبح ب6 موقتة مبايل ماما ركض غسلت ولبست وطلعت الكيكة من اثلﻻجة اني البس جبة لبستهة ولبست حجاب وطلعت ساعة بل7 الكل نايمين مدرستي قريبة علينة بس موكلش وصلت يم محل طبيت اريد اخذ ببسي وياي علمود ناكلة وية الكيكة رحت علبرادات المحل ضخم شوية شايلة لكيكة بأيد واﻻيد الثانية ﻻبسة جنطة بيهة طلعت بطلين ببسي كبار بس ماصيطرت عليهن وواحد فلت من ايدي وكع علة رجلي وضل يتدعبل بلكاع بس روحي شاغت ثكيل كلش ووكع علة اصابيعي دنكت افرك برجلي اجة واحد شال لبطل رفعت راسي عبالي ابو لمحل باوعت علة وجهة هاذ الجنتل مان الي لبارحة عارك الولد علمودنة اني وسما كلي تفضلي خيتي خطية وجهت بي اثر زراك يم عينة حتة ماتشكرنة من عدة يافشلتي ردت اخذة منة شاف ادية مشغوﻻت جنطة ولكيكة وبطل لببسي الثاني راح كدامي وخﻻ علميز مال ابو المحل يم المكان الي نحاسب بي ووكف دايشتري غراض حاسبت اني ومشيت وصلت للباب كزاز وثكيلة
كلش كوة تنفتح جريتهة اجت بيدي ورجعت كد ماثكيلة اجة الجنتل مان يركض جرهة وكلي فوتي خيتي متت من لفشلة ساعة موكعة البطل ساعة الباب راجع علية طلعت حتة ماكتلة شكرا من فشلتي وصلت للمدرسة ولكيت صديقاتي فاطمة وزهراء جايات قبلي تعجبو علة مﻻبسي وسألوني منين ماخذتهن
بدت اجواء اﻻحتفال الحفلة جانت كلش حلوة تونسنة حييل ضحك وسوالف وطكينة صور بلمبايﻻت ولعبنة بلمي وحدة تذب علثانية بلبطالة من خلصت الحفلة
خلص الدوام وحلينة بلطلعة شفتة واكف بباب المدرسة جان شوية قريب علية منتجي علة سيارتة شكلة حلو وانيق والبنات كلهن يباوعن علي ويتبسبسن بس هوة مدنك بمبايلة وﻻ عبرهن
رجعت للبيت وية ماوصلت للباب شفتة خطف من يمي بسيارتة بس لسيارة بس هوة جان بيهة تخيلتة جاي علة احد عبالي عندة خط مال بنات
لعد شيسوي واكف يم المدرسة معقولة جاي يتفرج و يتحارش بلبنات
طبيت للبيت تعبانة كلش
تلكتني سماوي
سمى :دم دم حبابة بسرعة بدلي وتعاي ساعديني
ليش شكو
اهلي جاين بلطريق
سماوي والله تعبانة ليوم كضيناهة ركض ولعب بلمدرسة
يلله يلله بسرعة بلة اعذار امشي بدلي وتعاي
اهوووو مشينة بس لتدفعين
طبيت لغرفتي بدلت شلون مجان طبعا سما بت عمي الوحيد بابا ماعندة بس هاذ اﻻخو عمو وعمتي الي همة امهة وابوهة درة مال الله اموت عليهم بلذات امهة طيبة كلش واخﻻقهة تخبل وسماوي طالعة عليهة سﻻم من خطب سمى عمو شرط علة بابا وكلة ننطيكم سمى بس ديما النة تنطونياهة للؤي من يكبرون بابا وكتهة كلة ميخالف يصير خير ماما ضلت تحجي علي كللهة هسة خل تصير سالفة سﻻم ويتزوج ومن يخطبون ديما نكللهم البنية ماقابلة وماكو قسمة شيردون يسوون
من ذاك اليوم واهل سما كلما يجون كلة يصيحولي جنتنة وكدام لؤي اني انحرج كلش واضوج وحتة كمت اكره لؤي من ورة هاي تصرفاتهم
نزلت لكيتهم جاين رحت يم سمى بلمطبخ لكيتهة تحضر شربت وكيك تحججت بلطبخ مال لغدة حتة ماطلع اسلم وسمى كلسا تجي تكلي اهلي يسالون عليج تعاي سلمي واني اكلهة هسة اجي
جاي اكلب بلتمن حسيت واحد طب لمطبخ نداريت هاذ لؤي يحجي بلتلفون بس مانتبه علية ﻻن الثﻻجة مغطيتني اسمعة يحاجي بنية يكلهة اي حبيبتي ويسلوف وياهة والله يا الله ويردوني اتزوجة ﻻوجمالة يحاجيهة ببيتنة
اني ضليت جامدة ﻻكدر احجي اكلة اني هنا وﻻ اكدر اسكت خاف يتحرك من مكانة ويشوفني هسة يكول هاي مكيفة تتسنط علية ختلت روحي كلش ورة الثﻻجة حتة ماابين
جاي ارجع ليورة جان
جاي ارجع ليورة
طخت ايدي بكﻻص كزاز صاير علة الكاونتر وكع بلكاع وتفلش
ندار علية لؤي متفاجئ اني متت من لفشلة عبالة خاتلة اتصنط علي ضل يباوع علية وساكت تالي دار وجهة وراح بدون حتة ميسلم كبر شكد مكروه
اجت سمى صبت لغدة هية وامي واخذو وراحو اني ماكعدت يمهم اكلت بلمطبخ
ضلو يمنة لحد ثاني يوم كلش ضجت عمو هوة ومرتة اكوم واكعد جنتنة وجنتنة اخر شي طبيت لغرفتي بعد ماطلعت
بليل ماتعشيت طبيت نمت لصبح كعدت بل10 بدت عطلة البكلورية ومنا ورايح راح اكضيهة اكل ونوم علة كولة سﻻم مثل الهوايش
لبست ثوب كصة الجرص لونة سمائي وشال رصاصي وبي ورد سمائي طلعت من غرفتي اسمعهم يسولفون بﻻستقبال طبيت عليهم سكتو ماما كلتلي روحي تريكي بلمطبخ احنة تريكنة كلنة
بعد احسن
كاعدة اكل بلمطبخ وحسيتهم طلعو بلحديقة كلهم مديت راسي اهل سمى ديروحون اييي واخيرا
صاحتني عمتي خلت 50 الف ببدي كتلهة هاي شنو عمة كالت ماجبتلج شي وياي عذريني
اخذتهن وامي تغمزلي والله يانبع الحنان خير وجايني قابل ارفس النعمة
طبيت للصالة شغلت لتلفزيون وتمددت كبالة علكرويتة اجتني سمى
سمى :عيني ست ديما خداماتج الفلبينيات اليوم مالهن خلك ممكن شوية تساعديهن
ياعشتو واني علة شنو ادفعلجن فلوس يلله كل وحدة علة شغلهة يلله
بعدني احجي اجاني نعال ثﻻثي اﻻبعاد بكصتي من نبع لحنان سويت لبيت خطوتين وكبل للمطبخ ماخليت شي يعتب علية ﻻكاونتر ﻻطباخ ﻻارضية
طبيت عليهن كتلهن والله يا الله ناس متجي الة بلعين الحمرة
ماما وسمى يضحكن
يلله ماما كملي معروفج وروحي لرسول عدة مﻻبس وصخة كومة نزليهن غسليهن
اي خدامة ابوكم اني كلتهة وفلتت النعال اجة بلباب ماﻻحني اول مرة نبع الحنان نيشانهة يخيب دائما يجي بوجهي تر
صعدت علة رسول اريد ادك لباب سمعتة يحجي عبالي يحجي بلمبايل تاري يحجي وية روحة تدنيت يم لباب كلش اسمعة يكول
رسول :ادري ربي من خلقتني ماكلت هاذة العبد المسكين منو تكلبة علة هلجهرة هاي مانكسر خاطرك علية شوية جان تعبت روحك بخلقتي شوية مو هواي ادري بيك خلقتني شلون ماجان جفيان شر
طبيت علي كوة حابسة الضحكة احس حلكي يوجعني بكد مااقاوم ماريد اضحك
ها رسول شبيك تدردم
ها عبود ابو الركي شتريد ترة واصلة لهنا وياي احجي شتردين
طبعا هوة صديقي بلبيت وعﻻقتنة كلش حلوة بس شقا كلش ثكيل وياي يكلي انتي ثالثنة ويسميني عبود ابو الركي طبعا هاذ واحد يبيع ركي يمنة وبتليت علة عمري ﻻن احب الركي تسميت علة اسمة رسول همة الوحيد بلدنية يوكع بنات علة كولتة هوة حلو ومابي شي بس فقير ومايعرف سوالف لولد
علة كيفك اريد مﻻبسك الوصخات موصوجك خليهن علة كلبك
جاي اطلع لف هدومة سواهن بقجة وشمرهن علية اخذتهن وطلعت من باب لغرفة جرني من كصيبتي عود يشاقة عفتة ومشيت ﻻن اذا اضربة اتعور اني وهوة كلشي ميصير بي
نزلت ذبيتهن بلغسالة ورحت يم ماما ديصبن غدة هية وسمى
فتحت الكدر طابخين دجاج بس ممرود مرد ومنضرة صاير حشة نعمة الله مقرف
ديما :ماما شو هاي مقابر جماعية بلكدر
نجبي ولج نعمة الله
منو طبخة
سمى :اني
اندري هاذ اخوي شعجبة بيج
شنو ولج شكلتي
ﻻيروحي ماكلت اكول اخوي احسن شي سوا من ختارج
امدا وامدة اختيارة
ولج ديما ليوم اكطعج
ﻻ ﻻ عليج الله والله اشاقة جسمي رقيق حبابة لتلمسيني احجي وياهة واتنعوص وهية تشيل روحهة وتركعهة بلكاع
كفختني علة ضهري مرتين يلله رتاحت
لضهر كضيتهة علتلفزيون همة كل واحد بغرفتة واني معطلة ماعدي شغل وعمل غير لتلفزيون
لعصرية ماما طلعت الفراشات كلهن وكالت تعالو نغسلهن بلحديقة
ماما شبيكم اليوم طلعت الندارة مالتجن خلوني ارتاح والله تعبانة
سمى:يلله ولج يلله لدوام كلة تتعايرين ومدلليج عودة من لكاع متشيلين علبو عدج بكلورية
طلعنة للحديقة نغسل بيهن ماما شوية وعافتنة كالت تعبت انتو كملوهن اني كيفت من طبت ماما لزمت لصوندة وارش مي ليفوك اسوي مثل لمطر واكمز جوا وسمى مفرفحة
سمى :ادري انتي عون لو فرعون ولج زغيرونة تكمزين همي ايدج وياي خل نخلص قبل ميصير المغرب
خليني اطلع موهبة التمثيل المطمورة بس هاذ المشهد حبابة
شبيهة كارينة كابور
جاي نحجي اني وسمى ندكت الباب اني مصرفنة بجامتي حتة ماتبلل نزلتهة ولفيت راسي بحجاب من لحبل طبعا هوة دشداشة موحجاب بس اني فناانة موبيدي
كلت منو صوت ولد ندتريت علة سمى كتلهة هلة والله بلكي واحد صاك
كفختني بلفرجة مال لفراش
كتلهة اني اعلمج
فتحت لباب طلع الجنتل مان حسام
حسام :سﻻم عليكم
وعليكم اللسﻻم
خيتي بلة زحمة جاي نشتغل بلبواري بلبيت جاي نعيد تأسيسهن وسادين الكاك العمال ديشتغلون بلكي تترسيلي هاذ لجلكان مي
كتلة ماشي اخذتة منة ترستة طلعتة بلباب اسحول بي كوة ثكل نطيتة الة تشكر مني بس من يحجي تعمد يحط عيونة بعيني اني استحي حتة من كرايبنة من احجي وباهم ادنك اخذة مني وراح
خلصنة الفراشات واني خلصت المسلسل ماتي براس سمى وهية تعيط وترجع ليورة
دخلنة اني سبحت وبدلت وسمى راحت ل
بتهة ترضعهة وماما دتسوي عشة ركضت للتلفزيون كابلتة وكعدت ماما جابت لصينية تعشينة كلنة وطبيت لغرفتي اصفط بكنتوري ﻻن صاير ملحمة كلكامش خلصتة وطلعت شكم ثوب عدي وصخات اريد اغسلهن ﻻكاني سﻻم بباب المطبخ بيدة عﻻليك
ها عبود ابو لركي شلونك
يووو سﻻم حتة انتة هسة لو حلو عبود ابو لركي ماحجي بس جنة منعولي
دروحي صيحي سمى خل تجيب مريوم وتجي حبتلجن علف
هوة يسمينة لهوايش اني وسمى يشاقة ويانة
صدوك وشنو من علف جت لو برسبم
ﻻجت ومن افخر النوعيات
هلة هلة
صحت سما واجيت هية طبت كدامي واني رحت جبت منفضات لكشور الحب وكﻻصات للببسي طبيت اريد اكعد بصف سمى هية وماما صاحني رسول
رسول :هلة ببو لركي هنا هنا صف يم اخوتك عيب تكعد يم النسوان
رسول سد حلكك مالي خلك
شبيك ليوم لرزق موزين
ﻻ ذني درية ونفيسة ليوم كربني من لصبح
سمى :اوي خطية سندرﻻ شوكضيتيهة تكمزين وتتمركصين
اي غير اطلع مواهبي ياسماوي
قاطع حجي بابا وكلي تعاي كعدي هنا يمي
رحت بصفة
كلي بابا اريد احجي وياج بموضوع احنة من زمان مأجلينة ﻻن جنتي زغيرة ومو وكتة هسة ماشاء الله كبرتي وعقلتي واجة وكتة
موضول لؤي مو بابا
اي بنتي عمج من زمان خاطبج للؤي واحنة منطي كلمة ولبارحة من اجو حاجاني بلموضوع يكول احنة كبرنة وماعدنة احد بلبيت وام سمى مريضة
بس مو معناهة مناخذ رأيج الرأي اﻻول وﻻخير الج حتة وان جنة منطيهم كلمة انتي فكري بنيتي وﻻتتسرعين بﻻجابة استشيري صديقاتج وفكري زين ورديلي لجواب
ماشي بابا انتو تعرون جوابي بس مع ذلك راح افكر حتة ﻻاكول ضلمت الولد ومانطيتة فرصة
عفتهم وطبيت لغرغتي اضحك شفكر هوة لموضوع يرادلة تفكير اشو لؤي عطال بطال وابو بنات وسوالفة طايح حضهة مخبلة عاقلة افكر بي
طبت علية سمى
هادمدم شنو رايج بلموضوع
والله ياسمى انتي خيتي وتعرفين طبعي ماعرف اجامل اخوج مابي اي شي يجذبني حتة افكر بي اشو عطال بطال وعمرة 19 سنة وياخذ مصرفة من ابوج ﻻشغلة وﻻعملة وﻻعبالج مادري بي عدة سوالف بنات ترة سمعتة بأذاني وبعدين حتة بلشكل مامتناسبين اخوج ناعم كلش يبين ازغر مني
اوﻻ سالفة البنات كل لولد هيج قابل بس هوة
والشغل مكدور علي بس تنخطبون هوة راح يحس بلمسؤلية ويعتمد علة نفسة ويشتغل
اما بلشكل بلعكس اصﻻ كلش متناسبين اتي ناعمة وهوة ناعم
سمى من ﻻخير اكلجياهة اني زواج هسة ماريد اتزوك ﻻاخوج وﻻغيرة
ليش حبي
اريد اكمل دراستي ولزواج مسؤلية جبيرة اني موكدهة ماكدر احمل نفسي اكثر من طاقتي واترجاج لتضغطين علية سمى انتي خيتي واني اعزج بس لؤي ﻻيناسبني وﻻاني اناسبة
ماشي حبي براحتج ماضغط عليج
طلعت سمى من يمي ادري بيهة ضاجت بس ﻻزم احجي هيج حتة تعرف اني من سابع لمستحيﻻت اقبل بلؤي زوج الي
ثاني يوم لصبح صاحني بابا كلي ها باباتي فكرتي بلموضوع
اي بابا فكرت
وشقررتي
ماريد اتزوج بابا ﻻلؤي وﻻغيرة اريد اكمل دراستي اترجاك بابا
ماشي باباتي مانضغط عليج براحتج اني اصﻻ ممقتنع بلموضوع
لزم تلفونة بابا وخابر علة عمي ديكلة بجوابي
اﻻب :سﻻم عليكم شلونك ابو سمى
العم :هلة ومية هلة بأبو سﻻم
خوية خابرتك علمود موضوع ديما ولؤي
اي
والله ياابو سمى كلت للبنية وفكرت تكول اريد اكمل دراستي ولؤي مثل اخوي مامفكرة بي
شنو هاذ لحجي ابو سﻻم اني ماخذ منك كلمة وهاذ جان شرطي علة زواج سﻻم وسمى لو هوة لحجي لنحجي نرجع بي بصياح
ﻻخوية موهيج بعدني احجي ويا سدة بوجهي
ديما وامهة سألني ماكتلهم سدة كتلهم خلص الرصيد ماتي
ديما :كاعدين اني وسمى بلمطبخ نتريك وسمعنة صوت صياح بلحديقة
طلعنة جان نشوف ....
يتبع
رد مع اقتباس
حنين حاتم
المشاركة الأصلية كتبت بواسطة جنة الروح
