'
ليش اتون حزن مهضوم
اودكاتك يكلبي هموم
يجرح بيك كلشي
او كلشي يمك حاد
اومشه ابحلمك
الريح ارماد
ضلمه سنينك
اوجه الشمع ثكلان
مالك لاوطن
لاناس
لاعنوان
انته ابلا خمر سكران
اخذ حزنك يكلبي اوغيب
وادم كلت حك وادم
مدري الصوچ منهم
مدري من ادم
المن ضال سافر
والفرح تلكا ابكل تابوت
ما دام انخلقنه انموت
سافر
وستراح
اوموت
المن ضال ياكلبي
العمر منفوس
المن ضال
تتلكه اليجي امنل قوس
المن ضال
ياكلبي الحلم كابوس
دنيانه دغش
شح الصدك بناس
محد طفه نار البيك
بس الكاس
وي لومك المايعرف
حنين الكاس
بسك لاتحن
لوجوه مويمك
تحب الناس كله
اومحد ايحبك
فنك ياكلب فنك
تنسه الما نشدعنك
فنك ياكلب فنك
_مهند الحسيناوي
رد مع اقتباس
