وكتك فااااات

محتاجك كبل مو هـسة وكــتك فات
كبل سنين جيتــك جــنت اتانيهــة
اني ما اصدك تنطبك عيني شـلون
اريــد افتح جـــفنها كوة اصحيهـة
غمض عيـــونك وشردني خل ارتاح
واني عيوني عــنــك راح الهيهـة
واحلــفلي بشي حتى اقتنع غلـطان
كفــارة اليــحلــف تــالـي ينـطيهـة
و بــعد لا تــلـتفت للموتــة اليمرون
اذا لاكتك روحي بــدون راعـــيهة
من اكلك راح ابرد حتى اظل زعلان
احـزن بـس حـسرتك عني اخفيهـة
ولا تـقـرة شـــعر يـمي و لو لحظـات
ســـمـعـنـي سـوالـف وزن مـا بيهـة
رد الـذكرياتي و ســد ـها البـاب
والاسوار الي بــطـولك راح اعليهـة
ادمـن ع النفس بس مـرة اذا جـريت
نفـسي و من هــوا اسمك ريتي امليهـة
طفيتك جــمــر كوة ابــطلعة الــروح
من الدخان سودة الدمعة الي أبجـــيهـــة
حبني براحــتك كــون اني مو ويـــاك
و ادوار الضــحية لـغيــري خليهـة
خضت التجربة وشفت الخسارة شلون
مـرة..شـما خطتها وردت احليهــة
بالقـدرة كـدرت انـــسى سـهـل ذكـراك
احـذر من صـورك خاف احاجيهـــة
اني مثل الخرز عندي الجـــروح انواع
كـل واحـد بحـالة ومـيـزة يـحويـهــة
حـمل بـس الثـكل مـرات هـم مطلوب
أتـطــير الكواغـد من خــفة البـيهــة
حبـــني براحـتك جـنـك تــزور كبــور
مـا امـلـك دمـووع كـبالـك ابـجـيـهـــة
تدري من الغــصن كل الطيور تـــطـير
اذا مــرة وحــدة الـجـيلـة تـخـطـيــهــة
حـبني بـلا سبب و بـدون كل غايـات
هـيـجــي بــلا مـقـاابــل لله ســويـهـــة
مـو كـل الـزرع مسمـوح الـك تحـويـه
اي فـلاح.اسـأل الـوردة شيــحويهة؟
يل روحـك قفص و تـجي البــلابل بــي
واني روحي العنــاكب عشــعشت بيهة
اريـد ادخـل كـلـب ما الــكة بي تمثـال
واســأل ع الحــضـارة و يـمــتة بانيـــهة
مــا اريـــد اليضـحي بروحـــة
احتاج نص التضحيات الجنت اضحيهـة

دمــتــم بـــود