هنا

[علي الازيرجاوي]

على كيفك عليمن كالب الكون

عليمن هوستك وية انفعالك
حبك وادي ضيم وقهر والام
وما مجبور امراٍ من خلالك
شرجي وما احب بس شرجي الرياح
ولا عايز عذب نسمه شمالك
ياهو الكالك بيك اني مجنون وياهو
الكالك ماكو بمثالك كبل لتروح
خلي اتراهن وياك من باجر احب عشرة ابدالك
بطباعك لكيت هواي تزوير
لان كل يوم تتغير خصالك
وما اشوفك جميل شما يكولون
واحس تزوير مو اصلي جمالك
تتمنه كبل بس تسمع اصوت
وبحلى الالوان راسمنة بخيالك
وبس سولفنه بيك وصرت محبوب
اشتغلت رحمه الله وطك دلالك
تتمنى كبل بس نكعد وياك
ومن ردناك شحيت بوصالك
ما عندك مجال شما نحاجيك
ومن نحاجيك لحضة انشغالك
محال ويانه صارت بلقرارات
وية الغير ما يصعب محالك
يعمي احنه يتامه ونكره العيد
العيد انت غلط وجيت هلالك
شنو ابالك يدور انت اجمل الناس
باجر بلجمال يدور بالك
منو بحالك انا لا انت غلطان
واذا اضل هشكل محد بحالك
قبل لتروح خلي اتراهن وياك
من باجر احب انت ابدالك

[كبريائي قاهرهم]

الله الله الله الله
روعة + ابداع + تألق = علي الازيرجاوي
مميز بكل اختياراتك
لا حرمنا روعتك
ود لا ينتهي

[علي الازيرجاوي]

شكرا يا قلب قلبي اخي الغالي نورتني والله كل هذا بوجودكم