جديد الشاعر عماد الساعدي 2019 قصيدهـ نساني - مكتوبة كلمات
شعر شعبي عراقي للفراق 2019 الشاعر عماد الساعدي
تحميل او استماع mp3
كلمات القصيدة
_________
نساني
نساني الجان ينسه اسمه
من احاجبه
واسم غيري اعله صدره
كلاده خلاه
الكبل يبجي علي
لوعفته لحظات
هسه ايدير وجهه
من التقي وياه
انا لما شفتهم سوه انذليت
شيخ وبالسلف محد تلكاه
الجانت شوفته افراج المساجين
حبل عشرتنه فوك الركبه شداه
ارتبك لمن يمر
مو بيه بالبال
طفل دخن جاره وعرف شافاه
بعد ما بيه حيل ابيش الكيه
من اكلب بالصور يوجعني ملكاه
غشيم
غشيم وماحسبت احساب الفراك
انطيته الروح بس انطاني مكفاه
شسوي الذكريات اتعيل وتعيل
آنا تمنيت كون ابكيفي وانساه
آنا بكلبه جنت
بس هسه لا وين
اجه غيري ابعرس وبحلقه غراه
خان ابوعده ليش الشلته بالروح
الحلف إلا آنا ازفه وغيري زفاه
وشماتي اجو وصلولي الاخبار
كالو مبتسم بالزفه شفنا
الربه بحظني تغير واختلف حيل
هسه بحظن غيري وغيري دفاه
هسه انفاس غيري ابركبته اتعيش
وصار الما اريده وما اتمناه
اعرفه بلمسه يوكع من يجي الليل
اموت وما اتخيل غيري كضاه
آنا استاهله
بس هوه بذات
ما استاهل آنا البيه سواه
ما استاهل آنا البيه سواه
__________
الشاعر عماد الساعدي
________
تدوين لزهراء العبيدي
رد مع اقتباس
المشاركة الأصلية كتبت بواسطة فقار الكرخي
