ابوذيات عتاب حزينة 2019 , ابوذيات حب حزينة 2019 شعر شعبي عراقي للفراق ابوذيات 2019
ابوذيات عراقية جديدة حزينة مكتوبة عتاب فراق غزل 2019
مساجلة الشاعر يحيى العلاق و محمد الاسحاقي
بجيتك كلت اجه لحمي .. واجه دماي
وكلت بعد العطش كلبي .. وجد ماي
دربك كثرت اشواكه .. وجدماي
ماتحمل بعد بزات بيه
جروحي الجدد من هجرك .. والاقدام
وفقدت الجرأة من بعدك .. والاقدام
اطيحن وارتبك وارجف .. والاقدام
ماتقبل تكف من تجفي بيه
روحي اتفيض خير الخير ... منجل
ما ذل النفس لا وحك .. من جل
شريد من الدهر لو صار .. منجل
آنا التوث ما يكدر عليه
اهيمن بيك لكن .. ما تهمني
وبعد ترحل تغادر .. ماتهمني
انا بقدة قميصك .. ما تهمني
كبل عتني واخذني وعال بيه
علي كلبك تجاوز .. ما نهيته
شتظن العشك هيته .. مانه هيته
عهدي وياك ثابت .. ما نهيته
عهد سياب ويه الشاعريه
سهامك ظهري لاحن .. مره متني
ومره انطر واتاني .. مره م تني
يطيحن مره حملي .. مره متني
اكبالك لو تمر بس انته بيه
حرت ياهو النجزه .. والنضيفه
بسبب خبطت الوصخه .. والنظيفه
صفه حته النزوره .. والنضيفه
يذب شكواه كبل الجودليه
ردنه وياك نكعد .. ما شردنه
وانته اتريد ردنه .. ما شردنه
من صار الملاكه .. ما شردنه
وكفنه ابزود حامينه الوطيه
لكاك الكلب ماصدك .. معول
يذع ليك بالشده .. معول
شمالك رجفت اجدامك .. معول
رصاصه من العدو ثارت عليه
تاني اتكلي لكن .. كلامتني
لان متني بغيابك .. كل متني
روحي ابزعل بعدك .. كلمتني
تكلي انوب ما مش منه جيه
اسمنه بعد لتعده .. سوا عد
وصافح غير ساعدنه .. سواعد
اسويها مثل برترت .. سواعد
لا انشد ولا تنشد عليه
ظل ابدربه جدمي .. ظلمه يمكن
يدهري وحته صبحك .. ظلمه يمكن
وصل بيه الي يظلم .. ظلمه يمكن
ظلم فرعون من يحكم رعيه
صرت صوره ووضعه الوكت .. بيطار
لان كلبي خذاه اغراب .. بي طار
لو يحضر الرازي وابن .. بيطار
اشيب راسهم والعله بيه
اتني ومره اكلك .. ما لح اتني
وكلي شبيك ترجف .. ما لحتني
ذاك اليوم اذكر .. مال احتني
وراها ابساعة شفتك خنت بيه
صبرنه اعله الصبر بلكت .. ورا شي
وحياتك مرتشي صارت .. و راشي
كبل مثل الدبس جنه .. وراشي
صفينه ليا سبب بطنج وحيه
يشيع ابحظني حظنك .. شاعريته
وخيال اتمنه بُعدك .. شاع ريته
فقد كلشي بغيابك .. شاعريته
وصفت وحشة مكابر والله بيه
حسنك معجزه يا لغز .. يا سر
ورمش يكتل واذا ما كتل .. ياسر
نخيت الكال صبراً آل .. ياسر
يحفظه ابجاه عمار وسميه
_________
الابوذيات الشاعر يحيى العلاق
والشاعر محمد الاسحاقي
______
تدوين زهراء العبيدي
رد مع اقتباس
المشاركة الأصلية كتبت بواسطة Suzana
