اليعجبه بكلبي يسكن لا يجرحه
والما عاجبه خلي يتنحه
هاي الناس ثاري تسبب امراض
خيرهم صحبته تسوي قرحه
اريد ابتعد عنهم كبل ما اموت
مدام الله بعد منطيني صحه
اطكهم شلع حتى المستعز بي
الكتبته بمي ذهب هم امسحه
ربعي تربعو فوك ويدبجون
اضربلك مثال انطيك لمحه
واحد كل دقيقه يريد تقرير
بيش الساعه انام ويمتى اصحى
ويا هو المر عليك وياهو حاجاك
النصب روحه شرطي اليوم اسرحه
والثاني شغلته منيلك هاذ
وشلون اشتريته .. شهل ملحه!
بيش منين ليش وانته شعليك
متفضل علي منطيني منحه ؟
وواحد حاط روحه بسلعة البيت
كل شي تكله عاطل كال اصلحه
ما قصر كبل من ايده للجول
العليه عرفني يا مشعول صفحه !
وواحد عود يتمنالك الخير
يقرالك دعاء صدرك ايشرحه
اول ما يروح اهلك يصخنون
الحاسد من يجيك اعيونه رمحه
طيب جنت كلبي وبابي مفتوح
بالبرده بعد ما خلي فتحه
ولا تسألني هيج تصرف وهيج
ولا تنصحني هيج تصرف وهيج
النصيحه اتكول قافل لا تنصحه
احطلها لحن خاطر تفهمون ؟
احجيها انكليزي احجيها فصحى ؟
ابوجه واحد عشت ماعندي وجهين
هذا الكائن الما شاف فرحه
هذا اليبتسم من فشلة الناس
بتقاسيمه تعرفه شكثر ضحه
عـوفـونـي رجـاءاً آنـا عـاشـور
دورو عـالـفــرح يـم عـيـد الاضــحى
______
الشعر لـ يحيى العلاق
_____
تـدوين زهـراء العبيـدي
رد مع اقتباس
المشاركة الأصلية كتبت بواسطة فقار الكرخي
