شمّيته ويَّ ريج إلهوه
نعّناع چَسّبْ وإنّچوه
ديرم حدر زلفه إنّطوه
وتّمشرگ إبّخزامه
ليلو إعله ليلو من إنّچفه
قداح فايح من غفه
خلخاله كل ريم أصدِفه
وأتحزم أويّه حزامه
حتّىٰ إلنسيم يّگاوده
ويتلولح إعليه إلنِده
إلطاووس ويّ ممشاه حِده
وسچ إلمسچ بالگامه
إلشافه من طيبه أنّهرش
زيناته ما بيهن دغش
لا يختل ولا من يطش
ولا بيه طبع نعامه
ما بيه نصاوه ولا عِلو
زاد بـ حلاته إعله إلحِلو
أحّو يمن كلك دِفو
من جدمك وللهّامه
فارس الشباني
رد مع اقتباس
