هههههههههههه طبعا هاي الحالة مزعجة اني بالصدفة أصعد بتكسي لان مرتبطة بخط بس مرتين صعدت بتكسي والغريب أصعد وية واحد شايب أكول أحسن ههههههههه بس العكس يطلع
طبعا ينسطر راسي منا لمن أوصل
هسة عوفك عن الاغاني عود هو على أساس جاي يسمع أخبار والصوت الي معلي هههههههههه السرة الثاني يسمعة ههههههه
شنسوي نظل نتجادل وياهم
اغلب الفتيات عندهم خطوط ونادر ما تركب الفتاة تكسي وحدها واذا اضطرت تركب تكسي تحاول تختار سائق كبير السن لان يكونون اغلبهم محترمين
(شكرآ كبرياء موضوع مهم)
موضوع جيد...
احب ادخل من غير باب للموضوع...
الي يدخنون جكاير بالكوسترات والكيات ...اويلي يابة
يكعد يمك وبس تحرك السيارة طلع جكايرة ..وشلون اسلوب سخيف (يطلعلك جكارة وتفضل اخي) علساس الجكاير جكليت مرغوب من الجميع..يخجلك حتى ما تعترض عل جكارة-وعاد اوصل للمكان الي تريدة تلكا نفسك مختنك + العطر طاااير وحل محلة تتن+ عطاب الجكاير والرماد على قميصك والجنطة والشعر+ واذا دخن وراك واحد غفل عود بلبيت تكتشف القميص صاير منخل
-------------------
خوب اذا كلتلة طفي جكارتك...!!!
وبكل قلة ادب ...ديلة يا عيني هسة احنا وين قابل بلندن ويضحك!!
___________
اما الموضوع الرئيسي الاغاني فما اشوف فيه مشكلة اذا كان برغبة الي ياجر السيارة - سمعني الف البوم اغنية ولا تدخن يمي جكارة
مشكور ع الموضوع
بالنسبه للاغاني محرمه احنه نكول الدين الاسلامي يحرم الاغاني فالمفروض نلتزم واذا واحد عاجبه يسمع اغاني وما ملتزم بالتعاليم خل يسمع لان بهالحاله هو ربه بس لا ياذي الاخرين
وثانيا بالنسبه للفتيات فاعتقد بهذا الوقت ماكو فتاة تمشي طريق طويل بوحدها يأما مأجره سياره يأما وياها احد محارمها يأما تمارس عملها ومتفقه مع مجموعه من الزملاء والزميلات على الذهاب والاياب
شكرا للموضوع اخي العزيز
البارحة كنت مستأجر أحد سواق التكسي بأحد المناطق في بابل وروى الي بعض المواقف التي تصاحبه يومياً كسائق ..
فقال أن بعض خطوط البنات أصوات المسجلات تكسر الزجاج السيارة من شدة ارتفاعها وقال التصفيق وغيره ..
لكن الغريب بالامر انه قص عليا قصة واقسم بانها حقيقيه باحدى اعداديات البنين كان هنالك طالب يجلب الافلام المباحه
للطلاب وعنده تحرى مدير المدرسة عن الطالب بفعل قد وجد لديه هذه الافلام بالرام .. طرده وطلب منه احضار ولي امره
بالفعل عاد الطالب بعد يوم ووالده معه .. استاذ انت دازي عليا .. نعم .. خير .. ماتدري ابنك شمسوي .. لا .. شفت تلفونه
أشبيه .. لا .. افلام مباحه وفاضحه ومخلة بالحياء .. أهاااااا .. أهنا الطامه الكبرى باجابة الاب .. نسيت أكلك استاذ
هذا التلفون مال أمه .. خطيه هو معليه .....؟؟؟؟؟؟؟ الى هذه الدرجة وصلنا
هنالك مسلسلات وافلام يوميا تحصل عند سواق التكاسي ولو كان الوقت يسمح لقصصت لكم المزيد
بأختصار
ابعد عن الشر ..
السلام عليكم
بخصوص هذا الموضوع
الكثير يسمعن اغاني !! عدهم عادية السالفة ....
نجي للي ما يسمعن اغاني
صحيح السايق وهو في سيارته لازم يطلع معصوم جكارة واغاني ..الخ على راحته محد يحاجيه لازم
العادة اهل البنت قبل لا يختارون خط او سيارة اجرة لبنتهم يبحثون عن شخص عرف ومن المنطقة او شخص صاحب اخلاق ..الخ لمنع حدوث اي اشكالات اخرى
اما بخصوص الغرباء اللي وصفتهم فالبنت لما يزعجها هل شي تطلب من السايق بصورة غير مباشرة ان يغلق الغناء (تخبر اهلها كيت وكيت السالفة)
في حال السايق مصر على هل شي اشوف غيره ....
اعتقد للموضوع كثير من الحلول ...
والافضل الشخص صاحب الخط يكون كبير في السن شوية ملتزم من شكله اسلوبه تصرفه ....
وقدر الامكان الابتعاد عن هؤلاء
والبنت ما تبقى ساكته على هل وضعية لو شافتها لان راح تنحرف وياهم ولا تكول انه غير هل شي ما يوكل خبز
مشكور خوية على الموضوع
دمتم بخير
أذا الدور الرئيسي للاهل هم من يتابعون ابنائهم بنين كانوا ام بنات
نحن نعلم هناك ضغوط كبيرة على الاولادنا من قبل المجتمع المحيط بهم ومن قبل التلفاز فيما يصدره من برامج
فلابد من المتابعة المستمرة للوالدين اختيار سائق الخط الذي يوصلهم الى مدارسهم او اماكن عملهم
والسؤال المستمر عن السائق وعن الزملاء الموجودين معهم ايضا في الخط وفي داخل المدرسة او الجامعة
ومعرفة اصدقاء السوء اذا كان هناك منهم بين اصدقاء ابنائنا ومحاولة ابعادهم عن ابنائنا بابداء النصح لابنائنا بطريقة لاتجعل ابنائنا يبدون العناد او التمرد لانهم بمرحلة عمرية تؤثر عليهم الكثير من التقليعات والتصرفات والثقافات الغريبة علينا فمنهم من يستحسنها وأفضل طريقة لتوجيه الابناء هي ان يكون الاباء اصدقاء لابنائهم ولاكن ليس كل الوقت لا في اوقات معينه نجعلهم يحسون نحن اصدقاء لهم ونحاول ان نكون قريبين من فكر جيلهم لافكر الجيل الذي عاشه الاباء قبل 30 سنة حتى يستطيع الابناء فهم ابائهم وتفبل ارائهم بدون ابداء اي عناد او عصيان بحجة زمانكم غير زماننا . كل الود للجميع
طبعا شاكر الكم ارائكم
و جميل تواجدكم
الذي نحاول ولو بالقليل انه
قدمنا جزء من الحلول لهذه المشكلة
الاجتماعية
كل الود والورد
لأرواحكم الطيبة
رد مع اقتباس