.... نجمة وعصافير وندى ....
يمعسّل ، يما ناسيك ،
بعد بيّه عسل منك ،
من أصفن أمطّك بيك .
بعد من عينك مرايه ،
أشوفن كل حلو بيها ...
وشوفن دمعتي آتحاجيك .
بعد من صوتك آسوالف ...
معطره ورود الوساده ،
تشاورني ....
وآنعّس لك حرير آمعطر آيشهّيك .
هلبت طيفك آيمرني ....
وهلهوله دمعتي آتطيح وتلاكَيك .
يما ناسيك ،
معزّة طيفك آتنوّمني كَبل النوم ،
وجم ليله نمت ومعطر آمتانيك ،
ولا دكَه على باب الحلم دكَيت .
تانيت .....
ونشف كل الندى وما جيت .
فزّت كل عصافير الله وآنت ما فزّيت .
مامش مثل الآول شوك اليودّيك ،
ولا كلّفت نجمه بصفنتي آتدلّيك .
يما ناسيك ،
شسهل من تجيني بطيف ؟
طيف وما اِجيت ،
آشبيك ؟
*************************
28 حزيران 2018
#عبدالكريم_القصاب
رد مع اقتباس
