هنا

[Ph. Zahraa]

بطيخة معندج شي سلبي برأيي
متابعة

[^-^بطيخة^-^]

(رسالة من مجهول)


1. اغلب تصرفاتها قريبة لتصرفات الاطفال وبعيدة عن النضوج العقلي.
2. تصرفاتها غير مدروسة، وحتى اختيارها لاسمها بعيد عن الذوق نوعا ما.
3. دائما تحاول تظهر نفسها بصورة الفتاة الشقية، صفة غير مناسبة للفتيات.
4. تعترض على اي شي وتتذمر من اي شي.

تحياتي لبطيخة لجرأتها وقبولها خوض هذه التجربة القاسية التي تحتاج لشجاعة كافية
تحياتي لنايا

والله اتوقع صاحب هالانتقاد كل شي ما يعرف عني

اجاوب نقطه نقطه




1- اكدر اعترف انو اني طفله كبيره هههه ،
عندي هواي تصرفات طفوليه صحيح وما انكر هالشي بس هي هم طبع تكدرون تكولون ، وحتى بالبيت يعني ^_^
بس مو طفوليه متصنعه ابداً
الشخصيه الطفوليه حلوا ترا ، حلو انو الشخص يبقى عنده جانب طفولي رغم انو يكبر


واما بعيده عن النضوج العقلي فما اعرف شلون حكمت هالشي عليا واني من رجعت للمنتدى لهاليوم م تدخلت بشي او موضوع يعبر عن نضج العقل وكذا ، لا نقاش ولا جدال ولا سؤال ولا اي شي :/
صح عندي هواي افكار غلط ،
بس عقليتي اكدر اعتبرها ناضجه بأغلب النواحي ، وانضج من هواي اشخاص اكبر مني دا اشوفهم بالدرر وغيرها من المواقع يمكن انت شفت شي مني من ناحيه معينه تخليك تعتبرني هيج ، ، وبكيفك بعد
وحالياً بعد ما مريت بهواي تجارب خلال فتره قصيره اعتبر انو نضوجي زاد اكثر ب هوااي بس م مبين بسبب شخصيتي الطاغيه عليا اللي هي المزاجيه والعناد والطفوليه
خلال الاختلاط بيا يبين هالشي ^_^

وهم بكيفك بعد

[^-^بطيخة^-^]

(رسالة من مجهول)


2. تصرفاتها غير مدروسة، وحتى اختيارها لاسمها بعيد عن الذوق نوعا ما.

- تصرفاتي :/ والله مدري عن تصرفاتي ممفكره بيهم ،
بس ما مسويه شي تصرف بالدرر غير اللطم ،
تصرفاتي احيانا مدروسه ومرات غير مدروسه ، اذا جنت متسرعه راح اتصرف بلا تفكير اغلب ،
بس التصرفات الغير مدروسه عندي قليله ^_^
او هيج اشوف نفسي


امممم
خلي نسولف ع اسمي ، طبعاً لو انت عضو قديم كنت راح تعرف انو اسمي ما مرتبط بحبي لهالفاكهه ولا اله دخل بهالفاكهه واعتقد اللقب شي يخص العضو نفسه ،
اكو هواي اعضاء القابهم غريبه مثل لقبي بس هالشي مو معناها تصرف غير مدروس ولا نعتبره بعيد عن الذوق ،
اكو غيري مسمين بإسم نبات ، بإسم اكله ، وبإسم حيوان ، هالشي مو معناها بعيد عن الذوق ابداً ، ما يجوز نحكم ع الشخص من برا

لو جنت مسميته مثلا بنت ابو اللبلبي ، لو سله زباله ، او كفشه معفنه او ام شوارب ، نكدر نكول بعيد عن الذوق ، بس مو بطيخه بعيد عن الذوق ههههه
الظاهر انت ما مجرب تاكل البطيخ او تشرب عصير بطيخ شكد طيبات وذوق حلو ،،


تحياتي لهالاعضاء اللي اشرت الهم ترا مو بسمار والله هههه ، مودتي الكم

[عدنان الواثق]

عمو بطيخه ونكدر نكول عمو زينب شويه اكشخ مو بله تحياتي
بالنسبه لبطيخه اني مااتذكر فد يوم اكو موقف ربطنا سوى حتى من خلاله اوجد سلبيه معينه او ايجابيه ما ..لكن من خلال اطلاعي البسيط على الردود لفت انتباهي انها بطيخه عراقيه كاملة المواصفات مو بلوتوث وكامره وشسمها لالالا اقصد الطيبه والفطره السليمه وكذلك حسن النية في تعاملها مع كل الانتقادات لكن تفتقر الى حسن ختمها للردود وكأنها تريد ان لاتتوقف عن الحديث وبمعنى انها تتاثر بالكلام وهذا حاله حسنه من باب الذوق والاحساس العالي لكن يحسب عليها عدم الاقناع في بعض مواطن الرد فتاره تأكد النقد وتاره تهاجمه بشتى الوسائل وهذا يأكد ان هناك مساحه فارغه في الكأس الممتلئ ونظريا تحتاج اعادة تركيز وربما لاتسعفها الخبره في هضم الانتقادات واعادة صياغتها كما يجب وحتى تجعلنا نشعر أننا قريبين من الواقعيه في كل تناقض يوجده النقد الجرئ الملقى على كتفها الغض لكن بالنهايه لمست فيها الحماسة في المواجهه وعدم قبولها الهزيمه المعنويه في تزاحم الافكار وبالنهايه انا احييها على خوض التجربه وانصحها بالاستمرار الى اخر رمق لنتعرف عليها اكثر من ذلك

[^-^بطيخة^-^]

(رسالة من مجهول)


3-. دائما تحاول تظهر نفسها بصورة الفتاة الشقية، صفة غير مناسبة للفتيات.
4. تعترض على اي شي وتتذمر من اي شي.

تحياتي لبطيخة لجرأتها وقبولها خوض هذه التجربة القاسية التي تحتاج لشجاعة كافية
تحياتي لنايا

3- شقيه؟ ، ابداً ما متصرفه بشقاوه لا داخل المنتدى ولا خارجه ، اصلا اني بطبعي هادئه جداً ومنعزله ، صح حماسيه واحب اللعب ونادراً ياخذني الواهس واتشاقى ويا الاعضاء رغم اني تقريبا محرمه ع نفسي هالشي بس ابدا ما اتذكر انو متصرفه بشقاوه ومشاكسه لانو هالشي مو طبعي ولا اني اتصنعه "احاول اظهر شقيه*
والظاهر انك ما تعرفني ابدا ف اغلب انتقاداتك كانت مبنيه ع شي شكلي مو عن اختلاط وموقف بدر مني الك



و4- جاوبتها مسبقاً ، وكلت انو طبع واعتقد سببه انو اني انسانه غير قنوعه ابدا وبصعوبه جداً انو اقتنع بأي شي ولو بسيط ، مثال بسيط لحالتي هو رسمه نايا لعيني


وتحياتي المُتبادله ،، ابد ما قصرت



..

[^-^بطيخة^-^]

(رسالة للطيفة من مجهول )

سلبيتها الوحيده
من تكتب تسحك اهواي
وتكتب بالاصبع الوسطى
ماتكتب بالابهام
وماتسال الا واحد يدز لها

ههههه مممتتت ، عرفت المرسل والله
لانو الشخص الوحيد اللي يعرف عني معلومه الاصبع

والله ما اعرف اكتب بغير اصبع ، شكد حاولت ابدل الاصبع اكوم ما اعرف اكتب وبدقيقتين يتعب اما الوسطى عسى ما ساعات ما يتعب من الكتابه بيه :( ، وشكرا لتسريب معلومتي السريه هاي*_*
والسحك يصير بالفون ولانو اكتب سريع ، متشوفون هالايام قليل اسحك لانو كمت استعمل الايباد
والله مشغوله اغلب وقتي ، وما اعرف اسإل ع احد دائما ً ، احسني فضه وكذا هههه

[^-^بطيخة^-^]

عمو بطيخه ونكدر نكول عمو زينب شويه اكشخ مو بله تحياتي
بالنسبه لبطيخه اني مااتذكر فد يوم اكو موقف ربطنا سوى حتى من خلاله اوجد سلبيه معينه او ايجابيه ما ..لكن من خلال اطلاعي البسيط على الردود لفت انتباهي انها بطيخه عراقيه كاملة المواصفات مو بلوتوث وكامره وشسمها لالالا اقصد الطيبه والفطره السليمه وكذلك حسن النية في تعاملها مع كل الانتقادات لكن تفتقر الى حسن ختمها للردود وكأنها تريد ان لاتتوقف عن الحديث وبمعنى انها تتاثر بالكلام وهذا حاله حسنه من باب الذوق والاحساس العالي لكن يحسب عليها عدم الاقناع في بعض مواطن الرد فتاره تأكد النقد وتاره تهاجمه بشتى الوسائل وهذا يأكد ان هناك مساحه فارغه في الكأس الممتلئ ونظريا تحتاج اعادة تركيز وربما لاتسعفها الخبره في هضم الانتقادات واعادة صياغتها كما يجب وحتى تجعلنا نشعر أننا قريبين من الواقعيه في كل تناقض يوجده النقد الجرئ الملقى على كتفها الغض لكن بالنهايه لمست فيها الحماسة في المواجهه وعدم قبولها الهزيمه المعنويه في تزاحم الافكار وبالنهايه انا احييها على خوض التجربه وانصحها بالاستمرار الى اخر رمق لنتعرف عليها اكثر من ذلك

اعتقد بسبب انو ما اعرف اعبر عن مشاعري او ما اعرف اوصل فكرتي او رإيي للمقابل بسهوله ،
هههه ايي الحقيقه اني جدا جنت متحمسه لهالاستضافه ، وما احب الهزيمه بأي شكل من اشكالها

و شكراً لمشاعرك اللطيفه عمو
..

[^-^بطيخة^-^]

بطيخة معندج شي سلبي برأيي
متابعة

حياتم زهوري
اسفه البارحه تجاوزت ردج م جنت منتبهه

هوايَ محبات الج
،،

[نـايـا]

بطيختنا الجميلة ..صاحبة السلبيات القليلة ...شكرا لتقبلك كل نقد وصل من الاعضاء
لابد لكي جانب ايجابي نحب التطرق له

الان نستقبل الكلمات الايجابية ومدى تقبل ضيفتنا للنقد

[Levai]

ما دخلت للموضوع من يوم جان VIP ضيف وحت ما صارلي مجال اقراه .. بس هسا اروح اقرة رودة لان سمعت كلام عنه غير إلي اشوفة

اما بطيخة ما اعرفها بمقدار الاعضاء غير انو هي جانت تفتح الدرر كل خميس يمكن وتنشر بالمذكراات وتطفر وانو هي دائماً مريضة
طبعا ذكرت بس الاشياء الي اعرفها عنها حتى ابين انو هي مبيها سلبيات بالمقدار إلي اعرفه عنها ^_^

كل الشكر إلج بطيخة ولجرأتج وصراحتج بالاجوبة واتمنالج الشفاء العاجل

وشكرا نايا ع الموضوع إلي يخلينا نتعرف ع الجانب الاخر للاعضاء