جرح بيه واعايد من يجي العيد
وأظل أعتز حزن لو بالفرح غنه
جرح بيه وأعايد بس على الونه
مثل طير يقره أعله الحزن لحنه
واكف عالغصن لن الغصن مكسور
ولن ريح الهباب اطيح بفنه
فن الطير روحه وكلشي كمش بيه
بس يتمنه اخيه مافرك عنه
طبع الطير رقه وروحه تفتر بيه
شلون يعيش طيري وروحه مو منه
أخيي الجان شاجخ طوله يم الباب
وجن غردة الضحكه أتبين أبسنه
يلغردة أسنونك ذبحتلي الماي
بس صار أبصعوبه الماي أشربنه
أدري الماي جنه ومنه كلشي يصير
بس روحي مريضه وكرهت الجنه
الجنه البيهه غصه أتكره الملاج
والملاج باقي للتعب حنه
أرد وأردن أكولن خل نرد لطير
حتى أنشوف حاله شبيه من رنه
أشوفنه حزين السكته مرت بيه
هم سامع الطير أبدمع يتغنه
هسه أعرفتوا حال الطير شنهو البيه
وصار الحزن يبجي لو سمع حزنه
هذا إني الجواني الدهر بكبر نار
بس صامد بقيت أبجويتي اتحنه
.
.
.
.
الشاعر كرار الجاسمي
رد مع اقتباس
المشاركة الأصلية كتبت بواسطة Suhaila wisam
