ردي بينه
غفله وتموصخ ملحنه!!!
حسين الساعدي
؛؛؛؛؛؛؛؛؛
ردي بينه
فدوه لأيام الطفوله وبيها لعبة اتذَكرينه!!
ردي بينه
بالله شبسرعه كبرنه الشيب ما لايك علينه!
ردي بينه
الطيبة الناس وأهلنه
وخبزة الخير ابوطنه!
غفله وتموصخ ملحنه ابهل زمان الوكحه عينه!
ردي بينه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛
ردي بينه
للأيام الحلوه ضاعت من ادينه!
ردي بينه
الليله كَمره الصبح صار وما درينه!
للعيون الصافيه ابمي النهر
للوجوه الضاويه ابضي الكُمر
فدوه يا دنيه
انتهينه!
ردي بينه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛
ردي بينه
الطيبة الماضي وصدك ذيج السوالف
ردي بينه
الضحكه ما طلعت دغش من الشفايف
والملح وبحوبته الجانت تعثر
ضاعت الحوبه بعد وشما نكثر!
ليش لو حفنه نحطله
ياكله ويحجي عَلينه!!!
ردي بينه
ااالساعدي
رد مع اقتباس
المشاركة الأصلية كتبت بواسطة كبريائي قاهرهم
