تريدين رأيي ؟
الحب يجيه يوم ويفتر ويزول
وابد ما اقتنع يوم من الايام ان الرجل الشرقي ماراح يتحسس اذا كانت زوجته اعلى منه بالمستوى العلمي او الثقافي مهما كان يحبها ومايبين كدامها تبقى شهادتها تحز بنفسه
اكول راجعي نفسج .اتمنالج التوفيق
تريدين رأيي ؟
الحب يجيه يوم ويفتر ويزول
وابد ما اقتنع يوم من الايام ان الرجل الشرقي ماراح يتحسس اذا كانت زوجته اعلى منه بالمستوى العلمي او الثقافي مهما كان يحبها ومايبين كدامها تبقى شهادتها تحز بنفسه
اكول راجعي نفسج .اتمنالج التوفيق
بمرور الوقت ح يغار لان انتي عندج شهاده وهو لا وتصير مشاكل وح تنجبرين تبطلين
ولاتنسين حجي الناس كَبل ح يكولون ( ازوج وحده موظفه علمود تصرف عليه ) سوالف الناس متخلص
فــ ابتعدي عن هلشي وشوفيلج غير طريق افضلج
اكو بيهم دكاتره وتفكيرهم مريض
واكو بيهم مخلص اعداديه او متوسطه وعقليته وتفكيره يجنن
عيني لو جايج مدرس(الامثال تضرب ولا تقاس))هم راح تفكرين وتتسائلين نفس الشي
لانه اقل شهاده منج
ففارق الشهاده يفرق بنظري جدااااااااااا
وانتي ماشاءالله الشهاده مالتج ممتازه وبيها مستقبل زاهر
ف ع شنو تدخلين روحج بشي انتي من اوله خايفه منه
لا عيني نصيحه الج
اخذيلج واحد نفس اختصاصج بالضبط او اعلى
شنو خلصوا اهل لكليه يمعودهبعدلج سنتين
الشهادة مو قياس
يمكن ترتبطين بشخص عنده شهادة ومترتاحين او العكس
هذا الشي الطبيعي اللي الكل يعرفو
اما اذا على شخص معين فهالشي انتِ تقرري مو احنا لان انتِ تعرفين الولد اكثر من عدنا
تعرفين نفسيته والبيئة اللي عاش بيها اضافة تگدرين تستعينين بأحد قريب عليج ويعرفه ايضاً
اللي أگدر اگوله اذا كنتِ مقتنعة بي كشخصية لتستعجلين طالما بعدج طالبة اطلبي منه يكمل خارجي وانتِ ايضاً تكملين و فرصة ايضاً تعرفي اكثر
بس خلي ببالج شغلة سواء ارتبطي بهذا الشخص او بغيره
لتفكيرين الناس شراح تكول المهم انتِ شتريدين
كملي دراستج وانجحي واشتري بي أم
شوفي انتي صيدلانية وماشالله سوك الصيدلانية ماشي
فارق الشهادة غير مهم
المهم هو فارق الدخل الشهري
اذا الولد دخلة الشهري اقل منك فهذه مشكلة وراح يشعر بنقص ومن هنا تنطلق المشاكل،
وثانيا لازم يكون متقبل لطبيعة عملك وهذه اهم نقطة لازم تركزين عليها
وبالنسبة للاختباراتك فلا تعمدين عليهن لان الطرفين في هذه الفترة يتصرفون بالمثالية
والتوفيق للجميع
مرحبا ...
ما شاء الله هواية مجاوبين ...
و الاجوبة متنوعة و تحير اكثر ..
ردت ما اعلق ...بس اكو شي لفت انتباهي بكلامچ ....
انت وصفتي كل شي ...بس ابد ما گلتي انه انت تحبيه ...!
يعني حسب ما فهمت ..مجرد شخص ملازم الچ و مصر على خطبتچ لأن الاحتمال الاكبر هو معجب و يحب مو بس معجب ...لأن صابر فترة طويلة .
خلي ننظر للموضوع من جهتچ ...مثل ما لاحظت ..ماكو مشاعر ابتداءً ...اكو تأثر بمشاعر الطرف الاخر ..
يعني بين قوسين انت ما تزالين حرة ..
حرة ...بمعنى اللي مشاعره ما تربطه ..هو شخص ما مجبور ...
انت ما مجبورة ترتبطين بشخص اكو شي قالق راحتچ من تفكرين بيه ..
و ممكن يأثر على مستقبلكم كزوجين مثل ما الكل وضحوا قبلي ..
مال ما رح الگي مثله او شخص هيچ يحبني ...ممكن ..برناردشو يگول : تزوجي الذي يحبك و لا تتزوجي الذي تحبينه ..لكن !!!!! ..اكو مشكلة ممكن تخلي هذا الحب يموت و هي الغيرة ..
و حتى نكون حبابين ...نمنح هالشخص فرصة ...
اگعدي وياه ..گوليله انت شگد حريصة انه ترتبطين بشخص يحبچ هالگد .و انه انت مقدرته جدا ً ...
لكن الناس يخوفوچ ..و انت عقلچ يخوفچ ...خاف الشهادة فد يوم تصير قنبلة تفجر حياتكم ..
لهذا اذا هو يحبچ و حريص ع الارتباط بيچ للنهاية ...خل يكمل و انت تنتظريه ...اذا يريد ..اهلا و سهلا ...ما يريد .الله وياه ..
عزيزتي ..اني اعرف زميلة رائعة .طبيبة اسنان ...ارتبطت بمساعد اسنان ..يعني ملاك صحي ..لأن حبوا بعض ..و وگفت بوجه الكل ..و تالي هو عذبها بسبب غيرته ..و طلگها ..و راح كمل دراسة و صار طبيب اسنان ..
شوفي الغيرة و السخافة وين وصلته ...صارت حبيبته مطلقة و هو هسة سعادة الدكتور اللي الكل تركض وراه ..
معلينا ...
ابدي صح ..تنتهين صح ان شالله.
بالتوفيق .
مثل هيج زواج فاشل جداً ... والي يكول الشهادة مالها علاقة غلطان جداً
وخصوصاً من يفشلون بالدارسة ومايكملون يبقى بداخلهم حقد دفين لأن
أقرانهم كملوا دراسة وخلصوا جامعة ... حتى وأن كان هذا الشخص أقرب أنسان اله
بصراحة الزواج بهل الطريقة فاشل ... كملي كلية ويجي الزوج يركض
المشاركة الأصلية كتبت بواسطة شيفرة دافنشي
رد مع اقتباس
