هنا

[أنثى حائرة]

السلام عليكم...
اني طالبة صيدلة مرحلة ثالثة.. هاي المعلومة الوحيدة المهمة بهالموضوع

المهم .. سبق و ان حصلت اعتراف من حدا اقربائي انه يحبني و هيج و وضح لي الموضوع .. هذا الحجي قبل سنة تقريبا .. بس اني وگفت الموضوع لأن ما حبيت اصير فقيرة و ع نياتي و اصدك بسرعة .. طول هالايام اني دخلته بأكثر من اختبار و هيج و تأكد من السالفة .. و وصلت السالفة لأهلنا .. انو هو يريدني ! يعني ثبت هالشي بأكثر من موقف و اني عندي قناعة انو محد حيجي بحياتي و يحبني و يقدرني هالگد .. و اني لحد هسة م نطيت احد حجاية او مجال
بس المشكلة انو الولد ممكمل دراسة ! يعني واصل سادس .. بس يعني هالشي ممبين ع تفكيره .. بس هو عنده شغل بشركة .. و گال لي انو مستعد يقدم خارحي و يدخل كلية علمودي..
برأيكم اختلاف الدراسة ممكم يكون سبب مقنع لحتى ارفض! و انو حيأثر ع حياتي بالمستقبل ناحية تفكير و عدم توافق! ما ادري المهم شنو رأيكم بالموضوع كله!
و شكرا

[مصطفى العراب]

اذا افكاره متشابها ويا افكارج ومتفقين فالشهادة مو مهمة ابداً خاصة ان هو عنده شغل لا باس بي

[^_AHMED_^]

اكيد التوافق الفكري مهم وخلي ننطيه 70%
من حيث انو يتقدملج صاحب شهادة
ويبقى 30% وهاي اذا وفة بوعده وكمل علمودج
والقرار النهائي الج

[Ćat]

الشهادة تبقى مجرد ورقة
الأهمية لتفكيره ونوعه
اهمشي ميطلع من جماعة التفكير المريض والسطحي .. (هلنوع منتشر بكثرة)
..
اتمنالج التوفيق

[࿐்رومــ★ـيــﮯـل卐]

اتفق مع مصطفى العراب اخي
مو مهم اختلاف الشهاده او الدراسه الاهم
تقارب الافكار بينكم

[Scrap]

لا شهادة ولا شي ( رغم ما اشوفها ضرورية )
بس الزواج مثل الرگي اطبطبيها لسبالج حمرة بعدين تطلع فطيرة

[تّـفـاَصيلـٓ]

اهواي مكملين وسطحين ترا !!
ف قدري الموضوع من خلال فكرة وشخصيته مو ع الشهادة

[عضوية57049]

باعي مدامه يحبج و انتي ممطيته مجال ف شهامة الدنيا نازلة عليه هسة هههه ، و رح يحاول يثبت لج نفسه حتى يرضيج و يستحقج

ثم من ترتبطون و يروح الحماس و رح شوية شوية يتصرف بطبيعته اكثر ( ماكول انو متصنع بس تأثير الحب و سحره هذا ) بوكتها رح تعرفين اذا يناسبج او لا و اذا اختلاف الدراسة يأثر او لا ، اذا عندج الجرأة اقبلي بيه
بس الأفضل دائماً الواحد يرتبط بناس نفس اختصاصهم لان يتفهمون طبيعة الشغل اكثر و حياتكم ارتب تكون

بس شي ثاني ، مدامه اقاربج ف طبيعي كلش يلح ، ف لتعتبريها دليل حب
ثم عادي ينجح بأختباراتج ، الولد اذكياء و يفتهمون مو ع نياتهم مثل ميروجون عن نفسهم

و سوء النية مو غلط ترا بهالحالة

و اعزيمنا ع عرسكم

[شيفرة دافنشي]

انت تكولين ما مبين عليه ما مكمل دراسة جامعية يعني مستواه الذهني والثقافي جيد ... إذا يفي بوعده و يكمل نعم و إذا ما يكمل ما يفيدج لأن التناظر في مستوى التحصيل مطلوب و راح يأثر على علاقتكم بالمستقبل مو هسه .. اتمنالج مستقبل سعيد

[العراب ']

اجابة عن السؤال في العنوان ( ممكن جداً ) .
نصيحة حاولي تبتعدين وتشوفين طريقك بعيد عنه ، لأن راح تبقى عقدة الشهادة تلازمه مدى الحياة ، وراح يظل يشعر بالنقص ، ويحاول يعوض هذا النقص بطرق شتى أولها انه يحاول يقلل من شأنك وشأن شهادتك ، ويفرض. رجولته في البيت . لان مهما كانت ثقافته ووعيه مراح يستوعب انو انتِ اعلى منه مرتبة وشأن وشهادة .
اختصري الطريق من البداية حتى تتجنبين مشاكل كثيرة بالمستقبل .
والله اعلم .