اعتقد نفس السؤال السابق وجاوبت عليهالمشاركة الأصلية كتبت بواسطة نايا ℘
اعتقد نفس السؤال السابق وجاوبت عليه
وجهة نظرك
ورطوني الاعضاء اعتقد راح انحظر بعد انتهاء الضيافة
(رسالة احد الاعضاء )
ليش من تنعجبين بعضو جديد مستعدة تصعدية بسرعة للادارة و بعدين نكتشف انج تندمتي على قرارج ؟ تعتقدين هذه الصفة هي من صفات المدير الناجح ؟
ليش ماعندج صاحب صديق ؟ ممكن بأي لحظة تنقلبين على صديقج لمجرد انج شفتي موقف منه ماعجبج ؟
ههههه بالنسبة للمنتدى اني ام مصلحة اي عضو اشوف بيه نشاط ومصلحة للمنتدى اصعده ومااعتقد انه اتندمت يوم على قراري الا اذا شفت نشاطه توقف فارفع عنه الصلاحيات واخلي من هو اكثر نشاطا بمكانه..
(رسالة احد الاعضاء )
ليش من تنعجبين بعضو جديد مستعدة تصعدية بسرعة للادارة و بعدين نكتشف انج تندمتي على قرارج ؟ تعتقدين هذه الصفة هي من صفات المدير الناجح ؟
ليش ماعندج صاحب صديق ؟ ممكن بأي لحظة تنقلبين على صديقج لمجرد انج شفتي موقف منه ماعجبج ؟
نسبة كبيرة من الدرر هم اصدقائي على الفيسبوك ونسولف وندردش حسب مايسمح به الوقت..
لطيفة كولش هالرسالة..شكرا لصاحبها من القلب
(رسالة احد الاعضاء)
احياناً اشوف تناقض بأدارتج للازمات مثلاً اراء متباينه حسب قانون ما مثل ما لاحظنة قانون نشر اسئلة السادس كل يوم تعدلين بالقرار ، مو من الافضل تفكرين تفكير عميق قبل ماتنطين اعلان حتى مو يومية تغيرين رايج ؟
مو انتو متعرفون اللي يصير وراء الكواليس اني كادارية مايهمني شخصيا اتهامي بالتذبذب بقراراتي او ما شابه بقدر ما ايهمني استمرارية المنتدى وصفاءه وخلوه من الاخطاء ... الحساد اهواي والمغرضين اهواي وهناك من يحاول تسقيط المنتديات كونها الاشهر والانظف والافضل ..نعم نزلت اكثر من اعلان ، قراري الاول كان للعاشرة ونزلت الاعلان بعدها صارت اتهامات مباشرة لدرر العراق بانه يسرب الاسئلة الوزارية ع الانستا وعلى قنوات التلغرام ، ووردتنا صور مكتوب عليها حصري لدرر العراق الساعة 2 صباحا وهذه عليها تحقيقات ومسؤولية فحرصا على عالمنتدى وبأمر من سامر مايريد اي اسئلة بمنتداه اجلت النشر لثاني يوم ..
اللي يجي يحقق ما يدور نزاهة ووقت نشر وللعشرة وكذا لا يجي يدور لزمات حتى يطش براسنا .. فكان لابد من عمل اعلان مرئي بقسم التربية والتعليم وبعنوان واضح بيه المنع ، لانه قسم الاعلانات مغلق عن الزوار
فياصاحب الرسالة بلدنا مو مثالي حتى قراراتنا نهائية تكون، هيج قرارات نتخذها حسب الواقع اللي متعايشين وياه مكان في بالنا انه تتسرب اسئلة الاسلامية !لكن من صار تسريب وتحقيقات لازم نغير وقت النشر ..وين ما اتصير المصلحة نشتغل عليها
(رسالة احد الاعضاء )
ليش مرات نحسكم ما متفقين ب اراء انتوا ك كادر اداري اقصد مدير ونواب ؟ ماتعتقدون هذا الشيء يفرق ويا الاعضاء
بالنسبة للاعضاء اي عضو يشعر بالظلم من اي اداري المفروض بيه يكتبلنا بقسم الشكاوي حتى ننصفه وبالنسبة النا كاداريين عموما متفقين
(رسالة احد الاعضاء)
عندي سؤال نقدي لسوزان على اعتبار هي مدير المنتدى بعد غياب سامر
هناك مشرفين ومراقبين للاسف مايعرف شيء عن الاشراف والمراقبة ولكن الادارة تعطيهم صلاحيات للاشراف لان مشاركاته فاقت الالف مشاركة ومن يمارس دوره الاشرافي مايفهم شيء ويسلب مشكلة مع الاعضاء ومع الادارة نفسها
سؤالي هنا ليش دائماً انه المشرف والمراقب يحصل عليهن بسهولة في درر العراق على عكس باقي المنتديات رغم درر العراق نشاطة كبير جداً قياساً بهذه المنتديات
هو مايعرف شي عن الاشراف والمراقبة اكيد هالشي قابل جان مراقب ببيت ابوه
شوف عيني احنا كادارة اللي نريده بالمراقب او المشرف شخص موثوق قبل كل الامور الاخرى ..
مع ملاحظة الامكانيات الاخرى:
الامكانيات اللي نتمناها بالاداري عموما محبوب من قبل الاخريين يتعامل بودية تامة ،يناقش بصورة جيدة ،عنده ردود قوية تدل على ثقافته ووعيه زائد نشاطه بالمنتديات وتواجده المستمر هاي متطلباتنا وهي مو صعبة ابد.
لكن اذا ما اتوفر شرط من هذه الشروط فلا مشكلة من اعتماد بقية الشروط..
بالنسبة لاي عضو ممكن تتحقق بيه هذه الشروط بنسبة ٧٠٪مثلا ونطيناه الاشراف لكن مگدر يتوالم مع الاعضاء ومكدر ينفذ القوانين بصورة جيدة ومگدر ينشط قسمه بالشكل الامثل ، ممكن بسهولة نسحب منه الاشراف ونعتبرها فترة تجريبية مثلا وهو بكل حال باقي معزز مكرم يمنا ..
رد مع اقتباس