يقولكم وحده رافعه قضية طلاق على زوجها بالمحكمه تبي تتطلق وهالزوج مغلوب على امره ويوم تواجهوا بالمحكمه عند القاضي كانت الحرمه لابسه برقع تشوف هالعيون وتقعد تغني ياليل يا عينوتعرفون كلكم ان الواحد ينخدع بالعيون ومثل ما قال الشاعر:
اثر البراقع ياعرب شانها شان** تغري بمنظرها وتستر بلاوي
إن شفتها يهتز قلبي بالأركان**أصيح بأعلى الصوت هاتوا مداوي
لو شفت عين كنها عين شيهان ** ياما من الشينات تحت الغطاوي
الله لا يجزاك يا كاينٍ كان**أنا صويب العين ما نيب غاوي
هات القلم واكتب وتوّ السهر زان**يا ذيب ناد الذيب بالليل عاوي
الوكاد ومالكم بالطويله الحرمه قاعده تشرح للقاضي وتشتكي على زوجها والقاضي يطالع بعيونها ثمن يلتفت للرجال وهو يقول رفقنا بالقوارير يا ظالموكل ما جاء الرجال الضعيف بيتكلم يلتفت عليه القاضي ويقوله اصصصصصصصصص يا ظالم يا عديم الانسانيه
وعلى هالحال كل ما حاول الرجال يقاطعهم سكته القاضي وحس ان اذا هالوضع بيستمر فالقاضي بيحكم للمرأه لان القاضي واضح انه متخريط بعيونها
استخدم الرجال ذكائه وقال يا قاضينا التفت عليه القاضي وقال اصصصصصصصصص يا ظالم قاله الا مانيب اصصصصصص ابي اتأكد انها زوجتي انا وش يضمني انها هي حك راسه القاضي وقال من حقك....قعدت الحرمه تبولع ريقها ودرت ان الرجال ضربها بمقتل ههههههههههههقالت امرك
كشفت الحرمه عن وجهها وحامت تسبد القاضي وقال للرجال تكلم انت دورك هههههههههههههههههه وقعد الرجال يتكلم وكل ما قاطعته الحرمه التفت عليها القاضي وقال اصصصصصصصصص يا ظالمه
وبالنهايه حكم القاضي للرجال وهو يلتفت على الحرمه ويقولها يا بنتي:
(الصوت مظلوم والوجه ظالم) ههههههههههههههههههههه
رد مع اقتباس
المشاركة الأصلية كتبت بواسطة Tif
