هنا

[ღ عِشق ღ]

شعر شعبي عراقي للفراق حزين مكتوب 2019




دكيت مشتاك اسألج
عن هالهجر شسالفه
تدرين من اعشك اذوب
وبطباعي كلش عارفه
ليكون جرح ال بالظهر
من نزفه خاطرج انكسر
وماكلتي احبك من صدك
كلتيها بس متعاطفه
خبريني شنهي السالفه !
ولهانه ادك هاي الرقم
وفاض الدمع ب انهاره
خونتي ما ادري السبب
بُعدج غريبه اسراره
يوسف صرت اشعر آنه
وكطوني وحدي بالبئر
واخواني انتي ومنقهر
لاجاني حبل بظلمتي
وما وكفت السياره
انطيني يفلانه سبب
هذا آنا ادك ردي علي
وخبريني شنهي السالفه!
دكيت واترقب الو
مشتاك للصوت الحلو
والهاتف ابنفسه زعل
وين السوالف والقبل
وين التغلي والغزل
وين الهله ويا مسهله
حيران وما رديتي
لا رد اجاني ولا خبر
وطيف الجفه بعيني عبر
دكيت وما دكيتي
يفلانه قلبي منجرح
وانطيني فرصه اقترح
دام انتي ماعندج دوه
والمنيه ما نرجع سوه
لتعذبي جرحي بالملح
ردي ولو برهة زمن
خل نكعد بكعدة صلح
ابسرعه ليش امشيتي
دمعاتي سالت ع الوجن
مو عيني مشتاكه وتحن
وما تدري شنهي السالفه
...
مو علميني شنهي السالفه


غصن الهوى تكسرى
اسير وحدي بالأسى
أخاف غيماً وثرى
أرى ولكن ادعي
بأنني لستُ ارى
مزادكِ لي واضحاً
اباع فيه أشترى
احببتكِ .. عشقتكِ
في صحوتي وفي الكرى
فاتهجرين عالمي
تسألؤلي ماذا جرى

ذكريني عاشك مبتعد
الجنتي لو صار البرد
ردتي السوالف دافيه
مو صدري جان وسادتج
وكل ليلة فوكه غافيه
هسه شمت بي عاذلي
وحدي بقيت ومنهو الي
وسهران اخط جرحي بشعر
ومترافق آنا ويالفجر
كسرتي كولشي بداخلي
باقي الوزن بس ينكسر
واخطأ في حرف القاقيه
سلبتي كلشي واطلبج
لاتسلبين العافيه
مو جنه روحين ابجسد
ليش البُعد شلي جرى ؟
سمعيني كلمة يامره
كفايه تكبر كافي بس
ابحبي الج مستهتره
هاي عشك ماهو لعب
وتدرين عني شلون احب
امضي عقد حبي آنه
واوفي اله ما انسحب
اتهينين روحي التعشكج
ما كلتي مره آسفه
خبريني شنهي السالفه !

ليش انخمد بينه الهوه
كولش هدوء وماكو حس
ولا ملتقى بضي القمر
ولا ملتقى بحر الشمس
كولش هدوء وماكو حس
لاصوت هبت عاصفه
امشي وادور عن عشك
ولا لي بالحب يدك
حبج رحل بس وين راح
احلم اكون امصادفه
كنتي مثل للعاشكات
وياي كنتي موالفه
عفتيني بس ما ضلي شي
رحتي ولحكتج بالدرب تمشين
منتي واكفه
خبريني شنهي السالفه !

وقفتُ في جسر الهوى
لكنني فيه اطلت
سقطتُ ارجوا حبلكِ
غرقتُ لا مرسى هنا
غرقتُ في تشوقي
فأين راح زورقي
الصمتُ منكِ غامضٍ
فليس هذا منطقي
اريدُ رداُ واحداً
فأنني حقاً خُذلت
ومن جفاءٍ قد قُتلت
فلي سؤالٍ في الأسى
ما الذنبُ مني يارترى
في حقكِ
ماذا فعلت

ليش المشاعر جافه
ادور لهجرج عذر
اسكت الروح ابصبر
ايجوز البنيه ابظرف
وياي مو متآلفه
ايجوز مني خايفه
لعنه اعله هاي الحب تعبت
ماتنطقين اعليه
بس تعبت من الحجي
خبريني مت من البجي
كولي الحقيقه والصدك

يبنيه
شنهي السالفه !




_________

كلمات الشاعر خليل آل اسماعيل


________

تدوين~Zahraa

[محـمـد الـركابـي]

شكرا

[ღ عِشق ღ]

شكرا

عفواً،

[بسكوته]

شكرا للقصيدة

[ღ عِشق ღ]

شكرا للقصيدة

عفواً