المقادير
******
3 كوب دقيق
كوب لبن دافىْ او ماء
صفار بيضة
نصف كوب زيت او زبدة
4 ملاعق سكر كبار
ملعقة كبيرة خميرة
3 ملاعق لبن بودرة
ملعقة صغيرة بيكنج بودر
قانيليا + نصف ملعقة ملح
الطريقة
******
1 - فى بولة نضع الدقيق واللبن البودر والخميرة والبكنج بودر والملح والسكر ونقلب
2 - فى بولة تانية نضع اللبن او الماء الدافىْ وصفار البيضة والزيت والفانيليا ونخلطهم جيدا ببعض
3 - نضيف السوائل ع الدقيق ونعجن كويس قوووى
4 - نلم العجينة ونضعها فى طبق مدهون زيت وندهن وشها بالزيت ونغطيها بكيس نايلون ونتركها تخمر ساعة
الحشو
*****
كوب الاربع سكر
3 ملاعق زبدة او سمن
3 ملاعق كبار قرفة
*********************************
نرش على الرخامة دقيق ونفرد العجينة على شكل مستطيل ونرش دقيق على وش العجين واحنا بنفرد .. العجينة تكون لا سميكة ولا رفيعة وسط يعنى
ندهن العجينة كلها سمن حتى الاطراف
نضيف السكر والقرفة ونوزعهم على العجينة كلها وندوس عليها بالايد حتى يلتصق الحشو بالعجين
نبداْ نلف العجين رول بحرص
نبدا نقطعها ( نقيس 3 صوابع ) ونعلم بحرف السكين وبعدين نقطع
ندهن صنية سمن ونرص الوحدات بعيد عن بعض ونتركها تخمر نص ساعة
ندخلها فرن متوسط الحرارة 10 دقايق ربع ساعة بالكتير
بعد خروجها نسقيها بصوص الشوكولاتة او الحليب المكثف المحلى او صوص الكراميل
صوص الشوكولاتة
***************
كوب سكر بودرة
كوب الاربع لبن حليب
6 ملاعق كاكاو كبار ( كورورنا او نسكويك او اى نوع )
كيس لبن نيدو صغير
2 كيس نسكافيه بندق + كيس فانيليا
زيت
الطريقة
*********
ندوب الكاكاو فى 2 ملعقة زيت الاول
نضع بكل المكونات ماعدا الزيت فى الخلاط ونضربهم كويس
ننزل بالزيت من فتحة الخلاط على شكل سرسوب حتى تحصلى على القوام المطلوب
صوص الكراميل
**************
نص كوب سكر ومعلقتين مية وكوب ونص لبن معلقة نشا فانيليا ومعلقة كبيرة زبدة
حطى السكر والمية فى طاسة ع النار من غير تقليب حتى ياخذ اللون الدهبى ضيفى كوب السكر ورجعيع ع النار لغاية السكر مايفك
دوبى النشا فى نص كوب لبن وعليه رشة ملح والفانييا ومعلقة الزبدة وقلبى دقيقتين وسبيه يبرد واستخدميه
صوص الشوكولاتة البضاء بدون شوكولاتة
المقادير
******
نص كوب سكر بودرة
نص كوب لبن بودرة ولو هتستعملى الاكياس يبقى 2 كيس
كوب لبن او مية
3 معالق كريم شانتى بودرة
زيت
فانيليا
الطريقة
******
نضرب كل المقادير فى الخلاط ماعدا الزيت
نضيف الزيت من فتحة الخلاط على شكل سرسوب الى ان تحصلى على القوام المطلوب
يعباْ فى برطمان لحين استعماله
يستخدم الصوص فى تزيين التورتات والسينابون والكيك والدونات
رد مع اقتباس
