رسالة من الشعب للقائد العام
تحقيق المطالب فرض والزام
وإلا هالشعب كلهم يثورون
مثل الجمر ما يطفه لو كام
مثل الزرع نطلع من التراب
ونظاهر ابابك جثث وعظام
انراميكم حجر ما نرمي بسلاح
بطابوك تخرب كشخت الجام
ما نتنكب انعارك امفرعين
تره الماخوذ حكه ايذب اللثام
اشفرقك عن شمر ؟
هم كاطع الماي
حركتو كلوبنه وهم حركو اخيام
تسأل مستشارك الشعب مرتاح
اشلون انخلي هذا الشعب اقسام
كلك سهله نزرع طائفيات
ونخليهم اسلام اتحارب اسلام
ولكن شعب واعي
وعكب يومين
اعله ظهر السنه وكفو شيعته حزام
وطن
اغنى اغنيائه شغله دفان
لان بالجمله موت بهاي الايام
اجتماع آباء ما كامو يطلبون
لان يدرون نص طلابنه ايتام
ابكتاب الله الجليل
الليل للنوم
الصبح وقت الرزق
تحقيق الاحلام
بس احنه ابوطنه انخالف الله
اعله جيت الكهرباء الودام اتنام
شنو ذنب الشهيد الضحه للكاع ؟؟
اطفاله بتقاطع تمسح الجام
مره استشهد رجلها وعدها اطفال
وماكو فلوس حته تغذي الايتام
ليش الصوم
متكلك من للجوع
تكلك للثواب اطفالي صيام
هذن ثارن ابكاع اتفيض خيرات
محد يحس بينه
صوج الاعلام
مطالب ناسنه مو كلش اطوال
بس المشكله حكامنه اقزام
كون اهدومهم مابيهن اجيوب
جا محد يرشح من الحكام
_________
كلمات الشاعر علي المنصوري
________
تدوين_Zahraa
رد مع اقتباس
المشاركة الأصلية كتبت بواسطة حسن هاشم
.
