المشاركة الأصلية كتبت بواسطة جنة الروح
جاي اسؤلف مع عمتي ابيت جدي بلترك مالتهم .. وجان يوكع من فوك عصفور كلش ازغير
خطيه ضل يتنفس بس ميكدر يتحرك حاؤلت اشيلة جان مشى بس وكنما وكع على رجلية كوة يتحرك بهالاثناء العراق العظيم شكو جاهل بلبيت التم عليه (٩ نفرات )
المهم بقى الجهال يردون يلزمو وانا اعيط وعمتي تضرب هه
لان كلها تكول خل اخذه الي واربي
بهالثناء شفنه اثنين عصافير واحد راسه اسود وشوية كبير يختلف عن لون جسمه والخ ازغر منه ولونها موحد ويفترون بس على بيتنه و يوصوصن خبصنه خبصة فيما بعد اكتشفنه ذني الام والاب
حاؤلنه ننطيه الهن يطيرن ميبقن بس يطيرن بس على بيتنه ... والجهال تصيح
ولجن تعالن هذا ابنجن
والخ يصيح شوفو شوفو ابوه شلون يصيح عليه
بس واحد من الجهال لح اله يطيره
ولك حبيبي يوكع ميكدر يطير .. ماكو
تالي اوصلنه الى حل انخلي على الحايط البينه وبين جوارينه عالي كلش عسى او لعل جبت درج وخليته (دابعده عن الجهال واقربه من اهله )
بعدني جاي انزل من الدرج وجان يجون يمه بس مشالوه بقو يجون ويطيرون شوية
تعبت من المتابعة كلش رحت جان سمعت صوت جوارينه بتركهم يعني يم الحايط ف الهيج هنه مينزلن يخافن ف كلت شوية واجي صارت دنيا مغرب عسى اولعل الجوارين يدخلون البيتهم وياخذنه .. ماكو
اخذتلي نص ساعة ورحت اشوفة
جان اجيته لكيته ميت
واهله يمه واكفين من اجيت راحم
كلش نقهرت
طبعا في وقته افكر بقدرة الله سبحانه وتعالى على بث هذه المشاعر والخوف في كائن صغير جداً ومشاعرة نفس مشاعر الانسان كانما .. المهم الله يرحمه
