راقت لي...
اخذيها نصيحه مني وسوي الاكولج علي
سامحي 3 مرات
ولتطلبين الحاجه مرتين
والمكان المترتاحيله لترجعيله
والحسود مو صديق
والحاقد الله وياه
والنذل لتصاحبي
والشغل الميعجبج شوفي غيره
واليوكفلج ع خطأ اغلطي كدامه و اخسررري
واليحاول يقلل من قيمتج احتقري
واليدور بس مصلحته اهجري
واليظل يخطأ ويتاسف لتعذري
واذا گلبج طاوعج دوسي علي
والأعمار بيد الله ورزقج ع الله
وكل شي قسمه ونصيب
والفشل مو نهايه الكون
وسوي الخير ولتذبي بالشط لااااا
واكو رب ميضيعلج تعب وحيعوضج بالأحسن
واهم شي من تخلين راسج ع مخده بالج وضميرج مرتاح
وكلما تضوجين وتنقهرين لتروحين تحجين لصديقه ولا كرايب خلي سجادتج واشكي لرب العالمين هو اقرب الج من حبل الوريد هو صديقج وهو حبيبج
وحياتج رح تعيشيها مره وحده بسسس عيشيها مثل متحبين ومعليج بالناس ولا بالمثل
واكلي اليعجبج والبسي اليعجبج
اول وتالي مراح تخلصين من كلام العالم ماطول ربج راضي عليج معليج برضاهم
واكلي واشربي واهتمي بشكلج وشعرج الله خلقج (انثى) حاشاه يخلي بيج نقص او عيب اكيد اكو بيج شي حلو يميزج عن غيرج
وخلي نفسج قبل كولشي
ودمعتج لتنزليها ع اييي شخص خليها عاليه مثلج
صدكيني اليحبج ميحب يشوفج تتأذين ولايشوف دمعتج تنزل
وتذكري .... انتي مراح تخسرين همه يخسروج
رد مع اقتباس
المشاركة الأصلية كتبت بواسطة Zahraa M. Al_Romy
