هنا

[Asᴅ.Aℓяᴀfєdαɪи]

صبحكم الله بالخير ياهلي الطيبين
شلونكم لونكم اخباركم اموركم
ان شاء الله الكل بخير

من فترة مو قريبة اتعرضت لموقف " غريب " شوية ولا اول مرة امر بيه.
الموقف باختصار جنت احجي وية واحد عن طريق الواتساب ودنحجي باللهجة العراقية الدارجة
فبمعرض الكلام سالته سؤال فرد عليه: ( الله ابو الخير ) !!
استغربت كلت شنو هاي شيقصد مثلا ؟
فطلع يقصد بيها الله بالخير
صفنت شوية كلت ايباه .. احنا نستخدم هالعبارة عادة هواية بحجينا بس اول مرة اتعرض لموقف اني اشوفها كتابة مو لفظا
فهالموضوع اريد اشوفكم اولا هم متعرضين لهيج موقف سابقا ( انك تجي تريد تكتب كلمة عراقية وتوكف وتتردد وما تعرف شلون تنكتب ؟ )
واذا ما متعرض لهيج موقف سابقا انطينا كلمات عراقية اصلية 100% تشوف انها صعبة بالكتابة.
اشوفكم بخير
ثيمالا

خارج النص|
اغاتي : اي شكرا على النقل // فالرد مسبق من هسة : شكرا على المرور ( متعقد من هالسالفة )
سلامات ( بالفلبيني )

[نـايـا]

اي مرات بعض الكلمات ما عرف شلون تنكتب ...اكتبها بكوكل تطلعلي اذا صح او خطأ

وشكرا ع الموضوع
وما تخطر بالي كلمة عراقية هسه

[الرميثي]

لا هي مو الله ابو الخير
اصل الكلمة صبحكم الله بالخير
او مساكم الله بالخير
بس الناس تختصرها وتقول (( الله بالخير ))
و ثيمالا اصلها (( في امان الله ))
والناس تختصرها فتقول (( فيمالله ))

[Suzana]

صبحك الله بالخير اسد
ما ماره بهيج موقف لان عادة اكتب باللغة العربية الفصيحة مع اشوية كلمات بالدارجة من احتاجهن هع
تبقى كلمن وحسب فهمه وتحويرة عادة ما انبه اللي يكتبون حتى لا احرجهم و يبقى حسب فهمهم ومن الممكن ان تكون اخطاء طباعية فأگوله اكتب اشلون مچان راح افهم..
كالمعتاد مواضيعك لطيفة وممتعة اسد..يسلموو

[غرور]

اي قبل فتره دااحجي وي واحد قريب عليه من محافظه ___
فكال كلمه *يغدولج فدوه*
عبالي القاف يللفظوها غين وعبالي كلمه غير شي لمهم بالاخير يلا عرفتها
معناها يرحولج فدوه* فداوي)

[Asᴅ.Aℓяᴀfєdαɪи]

اي مرات بعض الكلمات ما عرف شلون تنكتب ...اكتبها بكوكل تطلعلي اذا صح او خطأ
وشكرا ع الموضوع
وما تخطر بالي كلمة عراقية هسه

صحيح، احيانا تمر علينا بالفعل كلمات متعودين نكولها لفظيا بس تستوقفنا طريقة كتابتها.
شكرا لمرورج نايا

لا هي مو الله ابو الخير
اصل الكلمة صبحكم الله بالخير
او مساكم الله بالخير
بس الناس تختصرها وتقول (( الله بالخير ))
و ثيمالا اصلها (( في امان الله ))
والناس تختصرها فتقول (( فيمالله ))

شكرا للتوضيح اخي الرميثي .. هي تختلف مرات من شخص لاخر بطريقة الكتابة او التعبير.
اسعدني مرورك

صبحك الله بالخير اسد
ما ماره بهيج موقف لان عادة اكتب باللغة العربية الفصيحة مع اشوية كلمات بالدارجة من احتاجهن هع
تبقى كلمن وحسب فهمه وتحويرة عادة ما انبه اللي يكتبون حتى لا احرجهم و يبقى حسب فهمهم ومن الممكن ان تكون اخطاء طباعية فأگوله اكتب اشلون مچان راح افهم..
كالمعتاد مواضيعك لطيفة وممتعة اسد..يسلموو

صبحج الله بالنور والسرور مديرتنا الغالية
زين ما مارة بهيج موقف قبل .. كولي الحمد لله هههه
اسعدني مرورج العطر
لكِ كل الود.

اي قبل فتره دااحجي وي واحد قريب عليه من محافظه ___
فكال كلمه *يغدولج فدوه*
عبالي القاف يللفظوها غين وعبالي كلمه غير شي لمهم بالاخير يلا عرفتها
معناها يرحولج فدوه* فداوي)

اي يالله طلع اكو احد بعد مار بهيج موقف هههه
شكرا جزيلا لمرورج غرور
تحيتي

[تّـفـاَصيلـٓ]

اهواي اكو كلمات بس مو بالي حاليا
لكن انا نظامي اي شخص غريب رسمي احجي وياه هع
واذا شخص قريب عادي كلامنه العامي
لكن ع طاري الله ابو الخير
عندي صديقة مخليه ب فايبر اسمها الله ثقتي ..

من اكلمها بلدردشه تطلع جوة فلان يقوم بالكتابه
هي يطلعلي
الله يقوم بلكتابة

[Asᴅ.Aℓяᴀfєdαɪи]

اهواي اكو كلمات بس مو بالي حاليا
لكن انا نظامي اي شخص غريب رسمي احجي وياه هع
واذا شخص قريب عادي كلامنه العامي
لكن ع طاري الله ابو الخير
عندي صديقة مخليه ب فايبر اسمها الله ثقتي ..

من اكلمها بلدردشه تطلع جوة فلان يقوم بالكتابه
هي يطلعلي
الله يقوم بلكتابة

زين تسوين احسن الج وللاخرين
واحجي وية صديقتج تكسبين اجر بيها منعا لاي سيئة يكتسبها القارئ
شكرا لمرورج العطر
تحيتي

[أغرد بهمس]

ههههه ي هوايه واضل اتهجا واصفن يلا افهمها بس متحضرني والله

[Asᴅ.Aℓяᴀfєdαɪи]

ههههه ي هوايه واضل اتهجا واصفن يلا افهمها بس متحضرني والله

نورتي اغرد بهمس
مودتي